About Me

2012/10/29

மனத்துளிகள்























இன்றைய பொழுது


தூறல் விழும் முகில் நீரின் சந்தம்
மெல்லிசையாய் காதில் விழ.......
நரம்புகளின் கிசுகிசுப்பில்
கூதல் காற்றும் நாணிக்கிடக்க
விடிந்ததென் விடியலின்று!

இருந்தும்.........
மழையுரசல் கண்ட மனசோ
விழியுறக்கமறுத்து
உறிஞ்சிக்கொள்கின்றதின்றைய அழகை!

கீழ்திசையில்
பதியமிடக் காத்திருந்த சூரிய விதையை
மறைத்தவர் யாரோ- நம்
இறைவன்தானோ!

தங்குமிடமின்றியலைந்த
நரைமுகில்கள்
வாலிபம் கண்டதோயின்று
கருமையைத் தாமும் பூசி!

மழையுரசலில்
கலைந்தோடும் மண் வாசம்
மெல்ல - என்
சுவாசத்துள் குந்திக்கொள்ள!

விடியலின் சைகையைக் காட்டும்
சேவல்கள் கூட
இன்றேனோ கடமை மறந்து
நன்றாகத் தூங்க

எங்கே போயின
சலங்கையாய் சிரிக்கும் - அந்தச்
சிட்டுக்கள்

மரக் கொப்பில்
சொண்டு தேய்த்து சோம்பல் முறிக்கும்
பச்சைக் கிளிகள் கூட
காணோமேயின்று!

தலைகுனிந்தே - தன்
மேனி நனைக்கும் மென் மலர்கள்
மெல்ல முணங்குகின்றன
மெளனவலியால்!

இன்னுமதிகம் முளைக்கவேயில்லை
வண்ணக் காளான்கள் தரையை மறைத்தபடி!
நிசப்தத்தின் அரவணைப்பில்
நம்மவர்கள் மயங்கிக் கிடப்பதால்!

இத்தனைக்கும்

இருள் துளைத்து முளைவிடுமின்றைய
பௌர்ணமிக்காய்
விடுமுறைக்குள் சிக்கியதென்
பாடசாலைப் பொழுது!



-Jancy Caffoor -


















2012/10/21

வியத்தகு தாவரங்கள் சில



Baobab

நீண்ட கோடைகாலம் நிலவும் பிரதேசங்களில் வளரும் இத் தாவரங்கள் நீரைச் சேமித்து வைப்பதற்காக இசைவாக்கத்தைக் காட்டுகின்றது. இது விட்டம் 9 மீற்றரைக் கொண்டுள்ளது. இதன் உயரம் 18 மீற்றர். 6 மாத கால கோடை காலத்தைக் கழிப்பதற்காக இதன் வெண்ணார்த் தன்மையான தண்டினுள் 100000 லீற்றர் நீரைச் சேமித்து வைத்துக் கொள்ளும்.

Redwood


உலகின் மிகப்பெரிய உயிரி. கலிபோனியா காடுகளில் காணப்படும். இது 24 மீற்றர் சுற்றளவும், 120 மீற்றர் உயரமும் கொண்டது. இதன் நிறை 2000 தொன். தண்டு செந்நிறம்

Rafflesia

இது உலகின் மிகப்பெரிய மலராகும். இது மலேசியா, இந்தோனேசியா ஆகிய நாடுகளில் காணப்படுகின்றது. இது இறைச்சியின் அமைப்பை ஒத்தது. அழுகிய மணம் உடையது. 


Stone Plants

தென்னாபிரிக்க நாடுகளில் கற்களுக்கிடையில் கல் போன்ற தாவரங்கள் காணப்படுகின்றன. இத்தாவரங்கள் தசைப்பிடிப்பான தண்டையும் ஒரு சோடி , இரண்டு  சோடி அல்லது மூன்று சோடி இலைகளையும் கொண்டவை. இதனாலேயே இவை கற்கள் போன்ற தோற்றத்தைக் கொண்டவை. தாவரத்தை விட பூக்கள் பெரியவை. இதழ்கள் மினுமினுப்பானவை



Cuscuta 

மஞ்சள் நிற நூற்சிக்கல் போன்று பற்றையாக வளரும் செடியிதுவாகும். இது ஒரு முழு ஒட்டுண்ணித்தாவரமாகும். இதன் வேர் , பிற தாவரத் தண்டில் பரவி முழுமையான போசணையைப் பெறும்.



Hora

இலங்கைக்கேயுரித்தான தாவரமாகும். இங்கு ஈரவலயத்தில் காணப்படும். 30 மீற்றர் உயரமாக வளரும். பழம் தோன்றும் போது இதன் புல்லிகளும் கீழே விழாமல் பழத்துடன் காணப்படுவதால் காற்றால் எடுத்துச் செல்லப்படும் 




Tiger claw

இலங்கையின் உலர்வலயத்தில் காணப்படும். இது உலர்ந்த பின் வலிமையானது. கறுப்பு நிறம். கூர்மையான ஒருசோடிக் கொளுக்கிகளைக் கொண்டது. இக் கொளுக்கி புலிகளின் நகங்கள் போன்றவை. இவை விலங்குகளின் உடலில் ஒட்டிப் பரம்பல் அடையும்.



Sundew

இதன்  இலைகளிலிருந்து மயிர்கள் போன்ற அமைப்புக்கள் மேல் நோக்கி வளரும். இம் மயிர்களின் உச்சியிலுள்ள சுரப்பிகளின் சுரப்புக்கள் சிறிய பனித்துளி போன்று காணப்படும். இது நிறமற்றது. மணமற்றது. பூவின் அமுதம் போன்று காணப்படும். இதனால் கவரப்பட்ட பூச்சிகள் இத் திரவத்தில் ஒட்டி இறக்கின்றன. இறந்த பூச்சிகள் சமிபாடடைந்து தாவர இலையினால் உறிஞ்சப்படும்.


என் வகுப்பு மாணவர்களுக்கு இலகுவாகக் கற்பிக்கும் பொருட்டு தயாரிக்கப்பட்ட கற்பித்தல் துணைச்சாதனமிதுவாகும் 

(தகவல் உதவி - விஞ்ஞானம் - தரம் 7)




எனது பயணம்



எப் பயணமும் இலக்கின்றி நடைபெறுவதில்லை. அந்த வகையில் முகநூலிலும் ஒவ்வொன்றினதும் தனித்தன்மையைப் பேணுவதற்காக என்னால் உருவாக்கப்பட்ட குழுக்களும், பக்கங்களும் பின்வருமாறு:

குழுக்களும், அவை உருவாக்கப்பட்ட நோக்கங்கள்
-------------------------------------------------------------------------


அரசியல் தவிர்ந்த சகல பதிவுகளும்



அரசியல் தவிர்ந்த சகல பதிவுகள்



அன்றாடம் நிகழும் நாட்டு, உலக நிகழ்வுகளிங்கே



வலைப்பூக்களில் பதிவிடப்படும் பதிவுகள் தொடர்பானது



புதிய பாடல்களுக்கான பதிவு



இஸ்லாம் சார்பான பதிவுகளுக்கு



உடல் நலம் சார்பான பதிவுகள்




பழைய பாடல்களுக்கு

எனது பக்கங்களாவன


இஸ்லாம்சார்பான பதிவுகள்



கவிதைகளுக்கான பதிவுகள்




சின்னச் சின்ன எண்ணங்களின் தொகுப்புக்கள்




அழகிய புகைப்படங்களின் தொகுப்புக்கள்



கட்டுரை, விமர்சனம், சிறுகதை தொகுப்புக்கள்



சர்வதேச தினங்கள் தொடர்பான பதிவுகள்