கலியுக மன்னர்


நண்பர் போர்வைக்குள்
அரங்கேற்றப்படுகின்றன
காம சூத்திரங்கள் தந்திரங்களாய்
முகநூல் மேடைகளில்!

துகிலுரிக்கும் துச்சாதனன்களே!
திகிலுடன் பாருங்கள்........
உங்கள் விழி மேய்ப்பவர்களும்
உடன்பிறப்பின் ஆத்மாக்களே!

பாலூணர்ச்சி வேகத்தில்
பாசம் போல் வேடமிட்டு........
விசம் கக்கிச் செல்கையில் - பிறர்
வாழ்வை வேரறுத்துச் செல்கின்றீர்!

தரச் சான்றிதழ் தர வேண்டும்
நல்ல நண்பர் தாமென்று!
கலியுகத்து கழுகுகள்
வழியெல்லாம் நிறைந்திருப்பதால்!



No comments:

Post a Comment

என் கவிதாயினியில் விழி பதித்த உங்களுக்கு நன்றி......
என் பதிவு தொடர்பான உங்கள் விமர்சனங்கள் இன்னும் என் எழுத்துக்களைச் செம்மைப்படுத்தும்!

திருமறை