எங்கிருக்கின்றாய்
எகிறிக் குதிக்கும் காற்றிடம்
செல்லமாய் முணங்கினேன்!
பதுங்கிக் கொள்கின்றது - என்
மூச்சோரம்!
எங்கிருக்கின்றாய்
வெட்கமின்றி சொற்களிடம்
கேட்கின்றேன்
சுட்டிக் காட்டுகின்றன - என்
வார்த்தைகளை உடைத்துப் பாரென்று!
எங்கிருக்கின்றாய்
மனசிடம் மன்றாடிக் கேட்கின்றேன்
மெல்ல வருடுகின்றதென்னை
உன்னுள் திறந்து பாரென்று!
எங்கிருக்கின்றாய்
என்னுள்தானா
நான் நீயாகும் போது
நமக்குளேது பிரிவு!
- Jancy Caffoor-
08.03.2013
No comments:
Post a Comment
என் கவிதாயினியில் விழி பதித்த உங்களுக்கு நன்றி......
என் பதிவு தொடர்பான உங்கள் விமர்சனங்கள் இன்னும் என் எழுத்துக்களைச் செம்மைப்படுத்தும்!