உனக்கான என் வரிகள் - 5



நாளை தமிழ் புத்தாண்டு....

எங்கும் பட்டாசுகள் ஆக்ரோசமாக வெடிக்கின்றன..மனமோ உன் நினைவில் பின்னோக்கி ஓடுகின்றது...

அன்று...

ஜனவரி முதலாம் திகதி...புதுவருடம் பிறந்து இன்றுபோல் பட்டாசுக்கள் வெடித்துக் கொண்டுதான் இருந்தன். எனக்கு புதுவருட முதல் வாழ்த்து உனதாக இருக்கவேண்டுமென்ற உன் அன்புக் கட்டளையில் நானும் காத்திருக்க....

டாண்....டாண்...

கடிகாரம் பனிரெண்டு அடித்தோய்ந்தது..தூக்கத்தை விரட்டி நானும் உனக்காக காத்திருந்தேன். ஆனால் திடீரென அன்று என் தந்தைக்கு மாரடைப்பு வந்ததில் வீட்டில் யாருமே உறங்கவில்லை.

தந்தையோ என்னை தன்னருகில் இருக்கும்படி கூறியதையும் பொருட்படுத்தாமல் உன்மீதான அந்த அன்புக்காக எனதறைக்குள் ஓடுகின்றேன்.

உன் தொலைபேசி அழைப்பு வருகின்றது. எனக்கு இது புது அனுபவம்...என் தந்தையின் உடல்நிலை தந்த சோகத்தையும் மறைத்து உன்னுடன் பேசுகி்ன்றேன். எவ்வளவு சந்தோசமாக அன்றைய நாட்கள் இருந்தன..

நாளை விடிந்தால் புதுவருடம் பட்டாசுக்களைப் போல இப்போதெல்லாம் நீயும் என்னுடன் வெடிக்கின்றாய்...

என் அன்பு இப்பொழுதெல்லாம் உனக்கு புரிவதில்லை.

சண்டை பிடிப்பதற்காக காரணம் தேடுகின்றாய்...
என்றோ ஒருநாள் என் அன்பை புரிந்து கொள்வாய் ..ஆனால் அன்று நான் உன்னை விட்டு வெகுதொலைவில்!


உனக்கான என் வரிகள் - 4

Photo: நீ மறந்து போனவை இன்னும் எனக்குள் ஞாபகங்களாய்....

அன்று...

உன் தலையணைக்கு என் பெயர் சூட்டி உறங்கும்போது இறுக்கமாய் அரவணைத்து தூங்கிய நீ....

இன்றோ....

என்னை மறந்து தூங்குகின்றாய்...
நானோ உனை தொலைத்த வேதனையில் தூக்கத்தையே விற்றவளாய் உன்னிடம்!

நீ மறந்து போனவை இன்னும் எனக்குள் ஞாபகங்களாய்....

அன்று...

உன் தலையணைக்கு என் பெயர் சூட்டி உறங்கும்போது இறுக்கமாய் அரவணைத்து தூங்கிய நீ....

இன்றோ....

என்னை மறந்து தூங்குகின்றாய்...
நானோ உனை தொலைத்த வேதனையில் தூக்கத்தையே விற்றவளாய் உன்னிடம்!

--------------------------------------------------------------------------------------------------
Photo: இறுக்கி யணைக்கின்றாய் - என்
தேகம் சிலிா்க்க ரசிக்கின்றாய்....
காற்றும் நுழையா இடைவௌி கோர்த்து
காதல் செய்கின்றாய் என்னுள்!


இறுக்கி யணைக்கின்றாய் - என்
தேகம் சிலிா்க்க ரசிக்கின்றாய்....
காற்றும் நுழையா இடைவௌி கோர்த்து
காதல் செய்கின்றாய் என்னுள்!

-----------------------------------------------------------------------------------------------
Photo: என் மௌனம் கொஞ்சம் மிச்சம்
வைக்கின்றேன் உனக்காக....

வெறுப்பாலல்ல!

நீ சண்டையிட்டு மறையும் பொழுதுகளில்
காணாமல் போகும் வார்த்தைகளின்
சாட்சியாய்!

என் மௌனம் கொஞ்சம் மிச்சம்
வைக்கின்றேன் உனக்காக....

வெறுப்பாலல்ல!

நீ சண்டையிட்டு மறையும் பொழுதுகளில்
காணாமல் போகும் வார்த்தைகளின்
சாட்சியாய்!

----------------------------------------------------------------------------------------------

Photo: உனக்காகக் காத்திருக்கின்றேன்
வந்துவிடு தடைகளை யுடைத்து!

-----------------------------------------------------------------------------------------

விட்டுக்கொடுக்கின்றோம் - நம்
செல்லச் சண்டைகளை ஒருவருககொருவராய்...
முகங்காட்டும் மௌனம் இம்சிக்கையில்
துடித்துப் போகின்றோம்...
உனக்காய் நானும்
எனக்காய் நீயும்...

இதுதான் காதலென்பதா!
Photo: விட்டுக்கொடுக்கின்றோம் - நம்
செல்லச் சண்டைகளை ஒருவருககொருவராய்...
முகங்காட்டும் மௌனம் இம்சிக்கையில்
துடித்துப் போகின்றோம்...
உனக்காய் நானும்
எனக்காய் நீயும்...

இதுதான் காதலென்பதா!

------------------------------------------------------------------------------------------------

Photo: என்......
மன வரிகளின் கவிதை நீ!

நாம்....
காதல் இலக்கியத்தின் வரிகள்!

எதிர்பார்ப்பும் ஏக்கங்களும்
நம் இலக்கணங்கள்!

வா.......!!

வாழ்ந்து பார்ப்போம்
ஒரு கணமேனும்.................

நம்மை உச்சரித்தபடி!

என்......
மன வரிகளின் கவிதை நீ!

நாம்....
காதல் இலக்கியத்தின் வரிகள்!

எதிர்பார்ப்பும் ஏக்கங்களும்
நம் இலக்கணங்கள்!

வா.......!!

வாழ்ந்து பார்ப்போம்
ஒரு கணமேனும்.................

நம்மை உச்சரித்தபடி!

----------------------------------------------------------------------------------------------------
Photo: ஆகாயம் சுருங்குகின்றது
ஆரத்தழுவி நிற்கும் நம் மன்பு கண்டு...

தென்றலோ சீண்டி நிற்கின்றது
கன்னக் கதுப்பில் நாணம் விதைத்து....

விழிப்பரப்பின் நீச்சல் தடாகத்தில்
விளையாடும் விண்மீன்களாய் 
நம் கண்கள்...

அட......

நாமோ - நம்
காதல் தேசத்தில் 
நம்மைத் தொலைத்தபடி!

ஆகாயம் சுருங்குகின்றது
ஆரத்தழுவி நிற்கும் நம் மன்பு கண்டு...

தென்றலோ சீண்டி நிற்கின்றது
கன்னக் கதுப்பில் நாணம் விதைத்து....

விழிப்பரப்பின் நீச்சல் தடாகத்தில்
விளையாடும் விண்மீன்களாய்
நம் கண்கள்...

அட......

நாமோ - நம்
காதல் தேசத்தில்
நம்மைத் தொலைத்தபடி!

---------------------------------------------------------------------------------------------------
Photo: மலர் பேசும் காற்றில்
நானும் கலக்கின்றேன் 
சிறு துளியாய் - உன்
சுவாசத்தினை ஸ்பரிசிக்கவே!

மலர் பேசும் காற்றில்
நானும் கலக்கின்றேன்
சிறு துளியாய் - உன்
சுவாசத்தினை ஸ்பரிசிக்கவே!

---------------------------------------------------------------------------------------------------

Photo: கனவுகள் பூத் தூவுகின்றன - நம்
விழிச் சமரின் இம்சைகளில்!

மனமோ......

நாளைய வசந்தத்தின் சிறகடிப்பில்!

கனவுகள் பூத் தூவுகின்றன - நம்
விழிச் சமரின் இம்சைகளில்!

மனமோ......

நாளைய வசந்தத்தின் சிறகடிப்பில்!

--------------------------------------------------------------------------------------------------

Photo: கனவுகள் மொய்க்கின்றன
உன் ஞாபகங்களை விதைத்தபடி....

நிலவோ....
அக்கினிப் பூக்களை
என்னுள் விசிறியடி!

நானோ.....
உனக்கான காத்திருப்புடன்!

கனவுகள் மொய்க்கின்றன
உன் ஞாபகங்களை விதைத்தபடி....

நிலவோ....
அக்கினிப் பூக்களை
என்னுள் விசிறியடி!

நானோ.....
உனக்கான காத்திருப்புடன்!

----------------------------------------------------------------------------------------------------

Photo: அன்பின் பிணைப்பில் - நம்
கரங்கள்
மனமோ......
வாழ்வுத் தேடலில்!

நம் கரங்கள் இணைத்திட்ட
அப்பொழுதே- நம்
காலடித்தடங்களும் ஒன்றாய்!

அன்பின் பிணைப்பில் - நம்
கரங்கள்
மனமோ......
வாழ்வுத் தேடலில்!

நம் கரங்கள் இணைத்திட்ட
அப்பொழுதே- நம்
காலடித்தடங்களும் ஒன்றாய்!

----------------------------------------------------------------------------------------------------

Photo: உன் பேரைச் சொல்லும்
ஒவ்வொரு கணங்களும் - என்
இதயத்தில்......
இறக்கை கட்டி விடுகின்றதே காதல்!

உன் பேரைச் சொல்லும்
ஒவ்வொரு கணங்களும் - என்
இதயத்தில்......
இறக்கை கட்டி விடுகின்றதே காதல்!

---------------------------------------------------------------------------------------------------
Photo: இரவின் சயனத்தில்
நீ.....
நானோ 
உன் நினைவுச் சிம்மாசனத்தில்
என்னைத் தொலைத்தவளாய்!

இரவின் சயனத்தில்
நீ.....
நானோ
உன் நினைவுச் சிம்மாசனத்தில்
என்னைத் தொலைத்தவளாய்!

---------------------------------------------------------------------------------------------------

Photo

---------------------------------------------------------------------------------------------





மறைந்துதான் போனாய்
மறந்துதான் போனாய்
இறந்துபோன நான்
ஒற்றையாய்
பற்றைக்காடு மயானத்தில்!

-----------------------------------------------------------------------------------------------

Photo: அருகிலிருக்கும்போது வருடல்கள் தந்தாய்...
தொலைவிலிருக்கும்போது வலியும் தந்தாய்...
வலியும் புன்னகையும் நம் அன்பின் பக்கங்கள்தான்!

அருகிலிருக்கும்போது வருடல்கள் தந்தாய்...
தொலைவிலிருக்கும்போது வலியும் தந்தாய்...
வலியும் புன்னகையும் நம் அன்பின் பக்கங்கள்தான்!

------------------------------------------------------------------------------------------------
Photo: என் விழிப்பார்வைகள் - உனை
வழி மறைக்கும்போதெல்லாம்......
வெட்கத்தில் திரை விரிக்கின்றாய் மெல்ல!

உனக்கான என் வரிகள் - 3


Photo: போய் வருகின்றேன்.....
உனை விட்டு நீண்ட தூரத்திற்கு!

அதுவரை.........!

சுதந்திரமான உன் வாழ்க்கை
சுகமான உன் உறக்கம்....

என்பவற்றை.....
உனக்கே தந்து விட்டு

மௌனத்தை மட்டும் எடுத்துக் கொண்டவளாய்

போய் வருகின்றேன்.....
உனை விட்டு நீண்ட தூரத்திற்கு!

போய் வருகின்றேன்.....
உனை விட்டு நீண்ட தூரத்திற்கு!

அதுவரை.........!

சுதந்திரமான உன் வாழ்க்கை
சுகமான உன் உறக்கம்....

என்பவற்றை.....
உனக்கே தந்து விட்டு

மௌனத்தை மட்டும் எடுத்துக் கொண்டவளாய்

போய் வருகின்றேன்.....
உனை விட்டு நீண்ட தூரத்திற்கு!


-----------------------------------------------------------------------------------------
Photo: நெருப்பு குளிரை அனுமதிக்காது!
பிரிவை அன்பும் நெருங்க விடாது!

நீண்ட சமுத்திரங்கள் பிரித்திருக்கும் நம்மை
தீண்டாத பிரிவும் வெட்கப்பட - இதோ
துளிர்த்துக் கொண்டே யிருக்கின்றது
நம்மன்பும்!

உன் நினைப்பில் உறைந்து
உறுதியான காதலால் வியர்த்திருக்கும் - என்
னன்பை பறைசாற்றும் பார்வை.....

பாதை பார்த்திருக்கின்றது - நாளை
உன் னிழலுடன் பிணைந்து கிடக்க!

நெருப்பு குளிரை அனுமதிக்காது!
பிரிவை அன்பும் நெருங்க விடாது!

நீண்ட சமுத்திரங்கள் பிரித்திருக்கும் நம்மை
தீண்டாத பிரிவும் வெட்கப்பட - இதோ
துளிர்த்துக் கொண்டே யிருக்கின்றது
நம்மன்பும்!

உன் நினைப்பில் உறைந்து
உறுதியான காதலால் வியர்த்திருக்கும் - என்
னன்பை பறைசாற்றும் பார்வை.....

பாதை பார்த்திருக்கின்றது - நாளை
உன் னிழலுடன் பிணைந்து கிடக்க!

----------------------------------------------------------------------------------------
Photo: நாம் யாரை அதிகமாக நேசிக்கின்றோமோ...
அவர்கள்தான் நம்மை அதிகமாக வருத்தப்பட வைக்கின்றார்கள்!

உண்மைதான்....!

ஒருவரின் அன்பு தள்ளிப்போகும்போது, வருத்தும் அந்நேசத்தின் வலி குறைக்கும் நிவாரணியாய் மௌனம்தான்!

ஏனெனில்....
பேசுவதைவிட , ஒருவரின் மௌனம் அதிகம் சாதித்து விடுகின்றது!

காதலின் அடிப்படை அன்புதான்...
காதல் காயப்படும்போது
கண்ணீர்தான் அதனைக் குணப்படுத்துகின்றது!

நாம் யாரை அதிகமாக நேசிக்கின்றோமோ...
அவர்கள்தான் நம்மை அதிகமாக வருத்தப்பட வைக்கின்றார்கள்!

உண்மைதான்....!

ஒருவரின் அன்பு தள்ளிப்போகும்போது, வருத்தும் அந்நேசத்தின் வலி குறைக்கும் நிவாரணியாய் மௌனம்தான்!

ஏனெனில்....
பேசுவதைவிட , ஒருவரின் மௌனம் அதிகம் சாதித்து விடுகின்றது!

காதலின் அடிப்படை அன்புதான்...
காதல் காயப்படும்போது
கண்ணீர்தான் அதனைக் குணப்படுத்துகின்றது!

-------------------------------------------------------------------------------------------
Photo: முன்பெல்லாம்....!

பல இரவுகள் விழித்துக் கொண்டுதானிருந்தன - நம்
பேச்சொலிகள் நிசப்தம் கிழிக்க!

இப்பொழுதோ...!

இரவுடன் நானும் விழித்துக் கொண்டுதானிருக்கின்றேன்.....
நீயோ...
தூங்கி விடுகின்றாய் நேர காலத்துடன்!

உனக்குள் நான் சலித்து விட்டேனா!
முன்பெல்லாம்....!

பல இரவுகள் விழித்துக் கொண்டுதானிருந்தன - நம்
பேச்சொலிகள் நிசப்தம் கிழிக்க!

இப்பொழுதோ...!

இரவுடன் நானும் விழித்துக் கொண்டுதானிருக்கின்றேன்.....
நீயோ...
தூங்கி விடுகின்றாய் நேர காலத்துடன்!

உனக்குள் நான் சலித்து விட்டேனா!

--------------------------------------------------------------------------------------
அன்று....
நீ காதல் தந்தபோது - உன்
மடியில் குழந்தையாய் தவழ்ந்தேன்!

இன்று....
நீ பாசம் மட்டும் கேட்கும்போது
என் மடியில் குழந்தையாய் நீ!

காதல்....
பாசமாகி...

நம்...
பார்வைகள் காலத்தின் கைப்பிடியில்
மாற்றம் காட்டலாம்!

ஆனால்...
இரண்டும் அன்பின் பரிணாமங்களே!

---------------------------------------------------------------------------------------

என்னை நீ இன்று மறந்தாலும்கூட
என்றோ ஒருநாள் நினைப்பாய்.....

அன்று நான் மீள திரும்பி வருவேன்...

ஒருவேளை நீ என்னை நினைக்காமலே விட்டால்..
நீ தந்த நினைவுகள் போதும்
நான் வாழ்வதற்கே!

விடைபெறுகின்றேன்......

--------------------------------------------------------------------------------------

நீ விரும்பும் மௌனமே
இனி என் மொழியாக....

---------------------------------------------------------------------------------------

எதையும் தாங்கும் இதயமாய் நானிப்போ.....
உன்போல் பக்குவப்பட்டேன் இப்போது!

இனி ........

நமக்குள் சண்டைகள் இல்லை!!

ஆனால்...

Sunday வருமே!

----------------------------------------------------------------------------------------

இப்போதெல்லாம் நம்மைப் பிரிக்கும் முதல் விதியாய்
உன் தாய்!

----------------------------------------------------------------------------------------

துன்பங்கள் கரைந்து வெற்றி கொள்வாய்...
துவண்டு விடாதே மனமே!

----------------------------------------------------------------------------------------

அன்புக்கு காதல். பாசம், நட்பு என்று பல பக்கங்கள்..

அது எந்த பேதமும் பார்க்காது.  காதல் எனும் அன்பு வாழ்க்கையைத் தீர்மானிப்பதனால் பல வாலிபங்களின் தலைவிதி அந்த காதலின் காலடியில்...

அந்த காதலின் வெற்றி கல்யாணம் என்று பல இதயங்கள் நினைத்துக் கொண்டிருக்கின்றார்கள்.

ஆனால்.....

தான் நேசித்தவனின் வாழ்க்கையில் நிம்மதி, சந்தோசத்தை ஏற்படுத்துவதே அந்தக் காதலின் முதல் வெற்றி!

-------------------------------------------------------------------------------------------

உன்னை என்னுள் பூட்டி வைத்தேன்
சாவியை எங்கோ தொலைத்து விட்டேன்...
தொலைத்ததை நானும் தேடவில்லை
நீயும் என்னுள் இருந்து விடு!





உனக்கான என் வரிகள் - 2

Photo: ஒவ்வொரு நொடிகளும்
வந்து போகின்றாய் என்னுள்.....
கன்னம் கிள்ளி முத்தம்
சிந்துகின்றாய் தித்திப்பாய்.....

உன்னுள் நானும் என்னுள் நீயும்
வாழும் அந்த வாழ்வுக்கு...
ஆயுள் நூறாகட்டும்
பிரார்த்திப்போம் வல்லோனிடம்!

ஒவ்வொரு நொடிகளும்
வந்து போகின்றாய் என்னுள்.....
கன்னம் கிள்ளி முத்தம்
சிந்துகின்றாய் தித்திப்பாய்.....

உன்னுள் நானும் என்னுள் நீயும்
வாழும் அந்த வாழ்வுக்கு...
ஆயுள் நூறாகட்டும்
பிரார்த்திப்போம் வல்லோனிடம்!

---------------------------------------------------------------------------------

ஆழமான அன்பு அறியாத சொற்கள்....
பிரிவு!
பிரிவிலும் இணைந்திருப்பது
பரிவுள்ள மனங்கள்!

----------------------------------------------------------------------------------

உன் நிழல்படாத என்னிந்த பக்கங்கள்
கண்ணீரால் கழுவப்பட்டுக் கொண்டிருக்கின்றது
சில நாட்களாய்!

----------------------------------------------------------------------------------

உனக்கு நான்......
எனக்கு நீ......
போதும் இந்தப் பிரபஞ்சத்தில்
உன் சின்ன இதயம் என் னிருப்பிடமாய்!

-----------------------------------------------------------------------------------

செல்லச் சண்டையிடும்போது வலிக்கும் மனது....
சில விநாடிகளில் நாம் அவற்றை மறந்து விட்டுக்கொடுக்கும்போது உருவாகும் சந்தோஷத்தில் மெய் மறந்து சிலிர்க்கின்றது...

இது அன்பின் சிலிர்ப்பு செல்லமே!

-----------------------------------------------------------------------------------

உன் விரல் ஸ்பரிசங்களில் கரைய
காத்திருக்கு மென் விழிகள்..........
நீ யுன் துன்பத்தில் உறையும்போதெல்லாம்
கரைந்து விடுகின்றன கண்ணீராய்!

Photo: உன் விரல் ஸ்பரிசங்களில் கரைய
காத்திருக்கு மென் விழிகள்..........
நீ யுன் துன்பத்தில் உறையும்போதெல்லாம்
கரைந்து விடுகின்றன கண்ணீராய்!

---------------------------------------------------------------------------------

உன்னைத்தான் நினைத்துக் கொண்டிருக்கின்றேன்
உனக்கே தெரியாமல்....
ஊரு சனம் தூங்கும்போதும்
உனக்காய் விழித்திருக்கின்றேன் - நீ
அனுப்பப் போகும் குறுஞ்செய்திகளுக்காய்!

Photo: உன்னைத்தான் நினைத்துக் கொண்டிருக்கின்றேன்
உனக்கே தெரியாமல்....
ஊரு சனம் தூங்கும்போதும்
உனக்காய் விழித்திருக்கின்றேன் - நீ
அனுப்பப் போகும் குறுஞ்செய்திகளுக்காய்!

----------------------------------------------------------------------------------------

நகரும் ஒவ்வொரு விநாடியும் ...
உன் நேசிப்புடன்தானடா ...
என் செல்ல உறவே!




உனக்கான என் வரிகள்

Photo: அன்பைத் தேடும் ஒவ்வொரு மனமும் 
குழந்தையாகி வாழ்தல் கூட ......
துன்பம் தவிர்க்கும் மார்க்கம்தான்!

அன்பைத் தேடும் ஒவ்வொரு மனமும்
குழந்தையாகி வாழ்தல் கூட ......
துன்பம் தவிர்க்கும் மார்க்கம்தான்!






---------------------------------------------------------------------------------------------

ஆழ்ந்த அன்பும் பிரியக்கூடும்
அனுபவித்தேனின்று!

பிரிவு...
பரிவில்லாத மனதின் ஆரவாரிப்பு!

---------------------------------------------------------------------------------------------

உன் நிஜம் தேடி வரும் நிழலாய் நான்....

Photo: உன் நிஜம் தேடி வரும் நிழலாய் நான்....<3

--------------------------------------------------------------------------------------------
Photo: குறும்பே - நீயேன்
காதல் அரும்பே!
விரும்புகின்றேனுன்னை
தினமும் - நம் அன்பென்றும்
கரும்பே !!குறும்பே - நீயேன்
காதல் அரும்பே!
விரும்புகின்றேனுன்னை
தினமும் - நம் அன்பென்றும்
கரும்பே !!






--------------------------------------------------------------------------------------

நாம் போடும் சண்டைகளையெல்லாம், முத்தமாக திருப்பிக் கொடுத்து விடுகின்றது நம் அன்பு!

Photo: நாம் போடும் சண்டைகளையெல்லாம், முத்தமாக திருப்பிக் கொடுத்து விடுகின்றது நம் அன்பு!

---------------------------------------------------------------------------------------
செல்லமே.....

உன்னைச் சந்தோசப்படுத்தும் ஒவ்வொரு நிமிடங்களும் உன்மீதான என் அன்பும் உயர்ந்து கொண்டுதான் செல்கின்றது..

Photo: செல்லமே.....
உன்னைச் சந்தோசப்படுத்தும் ஒவ்வொரு நிமிடங்களும் உன்மீதான என் அன்பும் உயர்ந்து கொண்டுதான் செல்கின்றது..

---------------------------------------------------------------------------------------

மனதோடும் உயிரோடும் கலந்தவள் நீ
மறந்தாலும் உன் நினைவோடு வாழுவேன்..!
----------------------------------------------------------------------------------------

கவிதை சொந்தக்காரியைக் காதலித்தேன்
என்னையும் கவிதையாகச் செதுக்கி விட்டாய் மனதில்!

-----------------------------------------------------------------------------------------

இருவரிக் கவிதை நீயும் நானும்
ஒருவரி மறைத்தாலும் உயிர் பெறாது கவிதை மட்டுமல்ல நம் காதலும்தான்...

அன்பே உன் கவிதை அழகோ அழகு!

-----------------------------------------------------------------------------------------

எதிர்பார்ப்புக்கள்தான் நம்மைப் பிரிக்குமென்றால் இனி நம் பிரிவுக்கான எந்த எதிர்பார்ப்புக்களும் என்னிடம் இல்லை....

------------------------------------------------------------------------------------------

என் சுவாசம் நீ...
அதனால்தான் வாசமாகின்றாய் - என்
மனதுக்குள்!

-----------------------------------------------------------------------------------------

இணையம் எனும் ஒற்றைப்புள்ளி - நம்
இதயம் இணைத்த அன்புப் புள்ளி!
செல்லமே!
-----------------------------------------------------------------------------------------

இப்போதெல்லாம் நீ என் பக்கம் பார்க்கவே மறந்து விடுகின்றாய்...

இருந்தும்.........

உண்மைக் காதலை உன்னிடமே கற்றுக் கொண்ட என்னிதழ்கள் உன் னினைவிலேயே படபடக்கின்றது!

------------------------------------------------------------------------------------------

உன் உடற்காயம் கண்டதனால்
என் மனக்கண்........
வடிக்கின்ற இரத்தத்துளிகளில்
படிந்து கிடக்கின்றதென் காதல்!

--------------------------------------------------------------------------------------------

உன்னையே மனப்பாடம் செய்ததில்
என்னையே மறந்தேன்!

--------------------------------------------------------------------------------------------

தலைவா உன்னைத் தேடுகின்றேன்
அந்த ஏக்கத்திலேதான் வாடுகின்றேன்..
தினமும் உன்னை நேசிக்கின்றேன்
அந்த வாசத்திலேதான் வாடுகின்றேன்!

Photo: தலைவா உன்னைத் தேடுகின்றேன்
அந்த ஏக்கத்திலேதான் வாடுகின்றேன்..
தினமும் உன்னை நேசிக்கின்றேன்
அந்த வாசத்திலேதான் வாடுகின்றேன்!

அஸ்கா


Photo: அல்லாஹ்வின் அருளும் பரகத்தும் அன்பும் நமக்குக் கிடைக்க பிரார்த்திப்போமாக....ஈத் முபாரக்!



நோன்புப் பெருநாள் - 29.07.2014

Photo

Akeela Banu's photo.








மீள வருமோ டா...


Photo: முட்கள்....
என் தேசத்தின் அரண்கள்!
இருந்தும்....
வந்தாய்....
சிறையறுக்கும் நலனாய்!

விகடமும் விநோதமும்
கற்கண்டாய் வீழ்ந்து நிற்கும் 
சொற்கூட்டமும்...உன்
அற்புதங்களாய் என் ரசிப்பில்!

இருபத்தி ரெண்டு 
பருவத்தின் சாயல் .....
இருந்தும்...
முதுமை யுன் வாக்கினில்!

அவ்வவ்போது...

அதிரசமாய் காதலும்....
அக்கினித் தீயாய் தவறுரைக்கும்
நட்பும்....
விழிநீர் துடைக்கும் உறவும்...
நீ விட்டுச் செல்லும் தடங்களாய்
வீழ்ந்து கிடக்கின்றன!

இருள் துடைக்கும் விடியலில்
மருண்டு கிடக்கும் பிறையொளியாய்...
உருண்டு கிடந்தேன் - உன்
வருடு மன்பில்!

நம்மைத் தொட்டுச் சென்ற
ஏழு மாதங்கள்..........
அழகான காப்பியங்கள் நமக்கு!

அழுகையும்
ஆரத்தழுவலும்
ஆறுதல் பிழிதலும்
ஆரறிவார்....நமக்குள்
ஆயிரமாயிரம்!

கடந்த 
ஆண்டொன்று புரண்டு- வான்
கொன்றலும் கிழித்து..............
றமழானும் புன்னகைக்க...
நமக்குள்ளும் முப்பது நோன்புகள்!

நோன்பின் மாண்பில்
ஒன்றியிணைந்த நாம் - நமக்குள்
அலாரமாய்....
மணியுரைத்தோம் நமாஸூக்காய்!

இருளிலில்....
தலையணையில் சிணுசிணுங்கும் - நம்
அலைபேசி அதிர்வில்.....
துயில் கலைத்த நம் ஸஹர்  நாட்கள்
மீள வருமோ!

இப்தார் அழைப்பிலும் கூட
இங்கிதமாய் யுன் குரல் ஒலித்தே...
என்....
நோன்பு திறத்தலை விசாரிக்கு முன்
அன்பு!

மறக்காத நிஜங்களாய்
விட்டுச் செல்கின்றது இவ் ரம்ழான்
என்னிடம்!

காகிதப் பூக்களுக்குள்ளும் வாசம் 
சுரந்து....
வானவில்லின் சாயம் பிழிந்து
கானலுக்குள் விரிந்து கிடக்கும்
பூவுக்கு - நீ
விட்டுச் செல்லும் சொத்து
தெவிட்டாத அன்பூ!.

நீ.....!
மறக்காத நிஜம்!
மறுக்காத சொந்தம்!!
வெறுக்காத வரிகள்!!!

இன்ஷா அல்லாஹ்....!

இன்னொரு ஸஹ ரழைப்பில் - நம்
மனங்கள் ஒன்றிணைந்து ....
துஆக்களையும் நமாஸ்களையும்
ஞாபகப்படுத்து மந்த கணங்கள்
மீள...........
விரைந்தே வரட்டும்!

உனை எனக்குள் விட்டுச் சென்ற
வல்லோனே....
அல்ஹம்துலில்லாஹ்!




















முட்கள்....
என் தேசத்தின் அரண்கள்!
இருந்தும்....
வந்தாய்....
சிறையறுக்கும் நலனாய்!

விகடமும் விநோதமும்
கற்கண்டாய் வீழ்ந்து நிற்கும்
சொற்கூட்டமும்...உன்
அற்புதங்களாய் என் ரசிப்பில்!

இருபத்தி ரெண்டு
பருவத்தின் சாயல் .....
இருந்தும்...
முதுமை யுன் வாக்கினில்!

அவ்வவ்போது...

அதிரசமாய் காதலும்....
அக்கினித் தீயாய் தவறுரைக்கும்
நட்பும்....
விழிநீர் துடைக்கும் உறவும்...
நீ விட்டுச் செல்லும் தடங்களாய்
வீழ்ந்து கிடக்கின்றன!

இருள் துடைக்கும் விடியலில்
மருண்டு கிடக்கும் பிறையொளியாய்...
உருண்டு கிடந்தேன் - உன்
வருடு மன்பில்!

நம்மைத் தொட்டுச் சென்ற
ஏழு மாதங்கள்..........
அழகான காப்பியங்கள் நமக்கு!

அழுகையும்
ஆரத்தழுவலும்
ஆறுதல் பிழிதலும்
ஆரறிவார்....நமக்குள்
ஆயிரமாயிரம்!

கடந்த
ஆண்டொன்று புரண்டு- வான்
கொன்றலும் கிழித்து..............
றமழானும் புன்னகைக்க...
நமக்குள்ளும் முப்பது நோன்புகள்!

நோன்பின் மாண்பில்
ஒன்றியிணைந்த நாம் - நமக்குள்
அலாரமாய்....
மணியுரைத்தோம் நமாஸூக்காய்!

இருளிலில்....
தலையணையில் சிணுசிணுங்கும் - நம்
அலைபேசி அதிர்வில்.....
துயில் கலைத்த நம் ஸஹர்  நாட்கள்
மீள வருமோ!

இப்தார் அழைப்பிலும் கூட
இங்கிதமாய் யுன் குரல் ஒலித்தே...
என்....
நோன்பு திறத்தலை விசாரிக்கு முன்
அன்பு!

மறக்காத நிஜங்களாய்
விட்டுச் செல்கின்றது இவ் ரம்ழான்
என்னிடம்!

காகிதப் பூக்களுக்குள்ளும் வாசம்
சுரந்து....
வானவில்லின் சாயம் பிழிந்து
கானலுக்குள் விரிந்து கிடக்கும்
பூவுக்கு - நீ
விட்டுச் செல்லும் சொத்து
தெவிட்டாத அன்பூ!.

நீ.....!
மறக்காத நிஜம்!
மறுக்காத சொந்தம்!!
வெறுக்காத வரிகள்!!!

இன்ஷா அல்லாஹ்....!

இன்னொரு ஸஹ ரழைப்பில் - நம்
மனங்கள் ஒன்றிணைந்து ....
துஆக்களையும் நமாஸ்களையும்
ஞாபகப்படுத்து மந்த கணங்கள்
மீள...........
விரைந்தே வரட்டும்!

உனை எனக்குள் விட்டுச் சென்ற
வல்லோனே....
அல்ஹம்துலில்லாஹ்!

என் செய்வேன்



பூ இதழ்கள் மெல்லன அசையும் தென்றலில்
அன்பா யுன் பெய ருரைத்தேன்...
என் குரல் கேட்டும் காதலுரைக்க
உன் மனசோரம் அமைதியில்லை!

ஆதவன் ஆட்கொண்ட பகலது....
துயில் கொள்ளும் இராப் பொழுதின் நூலிலையில்...
நீ கோர்த்த கனாக்களின் ரம்மியம் கூட
காதோரம் நனைத்திட
உனக்கோ அவகாசமில்லை!

உனக்கென விழி நீர் சுரக்க நானிருந்தும்
உன் கவலைகள் தீரவில்லை..
என் செய்வேன் உன் ஈர முலர்த்த
தண்ணீர் அமிழும் எல்லைகள் தொல்லை!

வௌ்ளிக்கிழமையின் சிறப்பு



வௌ்ளிக்கிழமையின் சிறப்புப் பற்றி
------------------------------------------------------------------------

நபி (ஸல்) அவர்கள் வெள்ளிக்கிழமையைப் பற்றி கூறுகின்ற பொழுது,

“எவரொருவர் ஜந்து நற்செயல்களை அந்த நாளில் செய்கின்றாரோ அவரை அல்லாஹ் சுவர்க்கவாசி என்று கருதுகின்றான். நோயாளியை விசாரிப்பது, ஜனாஸாவில் கலந்து கொள்வது, வெள்ளியன்று நோன்பு நோற்பது, ஜும்-ஆவுக்கு செல்வது, ஒரு அடிமையை விடுதலை செய்வது போன்றனவாகும்”
(அஸ்ஸில்ஸிலா அஸ்ஸஹீஹா: இலக்கம் 1033)

“சூரியன் உதிக்கக்கூடிய நாளிலே சிறந்த நாள் வெள்ளிக்கிழமை நாளாகும்”
(ஆதாரம்: முஸ்லிம்)

இமாம் இப்னு கையிம் (ரஹ்) அவர்கள் வெள்ளிக்கிழமையின் சிறப்பைப் பற்றி குறிப்பிடும் பொழுது, நன்மைகள் அதிகமாக உள்ள நாள்:
சுவர்க்கத்தில் இருக்கின்ற இறைவிசுவாசிகளை (முஃமின்களை) இத்தினத்தில் இறைவன் பார்க்கின்றான். அல்லாஹ் கூறுகின்றான்: “அவர்கள் விரும்புவது அதில் அவர்களுக்கிருக்கிறது. மேலும் (அதைவிட) அதிகமானதும் நம்மிடம் இருக்கிறது” அனஸ் (ரழி) அவர்கள் கூறுகின்றார்கள் “ஒவ்வொரு வெள்ளியன்றும் இறைவன் அவ்ர்களை (முஃமின்களை) பார்வையிடுகின்றான்”
(ஆதாரம்: இப்னு பத்தா, அபூ நயீம்)

ரமழான் உணவு




இறைவனை அஞ்சி, அவன் ஏவியவற்றை மாத்திரம் செய்து முடிப்பது ஒவ்வொரு முஸ்லிமினதும் கடமை. இஸ்லாம் ஈமானை அடித்தளமாகக் கொண்டு எழுதப்பட்டுள்ள வாழ்க்கைநெறி..

இது புனித ரமழான் மாதம்...நோன்பிருப்பதும்.அதனை திறப்பதும் ஒவ்வொரு சக்தியுள்ள முஸ்லிமின் அன்றாட வாழ்வியலாக மாறியுள்ள இந்நாட்களில்...

நாம் கடைப்பிடிக்கக்கூடிய சில உணவு வழிமுறைகள் இவை
------------

இப்தார் நோன்பு திறக்கும்போது 500 மி.லீ நீரில் 1 தேக்கரண்டி தேனைக் கலந்தும் பேரீச்சம்பழங்களைக் கொண்டும் நோன்பு திறக்கும்போது நாம் அதிக புத்துணர்ச்சி பெறுவோம். இது நம் சக்தியிழப்பைத் தவிர்ப்பதுடன் நோய் தொற்றுகையையும் தவிர்க்கும்.

பேரீச்சம்பழங்கள் நமக்கு விற்றமின்கள், கனியுப்புக்களைத் தருகின்றன. இம்மருத்துவ உண்மைகளை அன்றே நமது புனித இஸ்லாம் பல சந்தர்ப்பங்களில் முன்வைத்துள்ளது.

அவ்வாறே நோன்பு நோற்கும்போதும், நோன்பு திறக்கும்போது ரமழானுக்குப் பொருத்தமான பழங்கள், மரக்கறிகளைத் தேடிப் பெற்று உண்ண வேண்டும்.

பழங்களுள் சில -
ஸ்ரோபெரி, வாழைப்பழம், திராட்சை,பேரீச்சம்பழம், பப்பாசிப்பழம், அன்னாசிப்பழம், மாம்பழம் , தார்ப்பூசனி

பழங்களை தனியாகவோ அல்லது புறூட் சலட், யூஸ் போன்றவையாகவோ உண்ணலாம் அல்லது பருகலாம்.

தார்பூசனி (Watermelon ) ஐ ஜூஸாகவோ அல்லது தனியாகவோ சாப்பிடும்போது நமது சருமம் பொலிவடைவதுடன், நமது உடலுக்குத் தேவையான மங்கனீசு , மக்னீசியம். பொஸ்பரசு, இரும்பு, நாகம், செம்பு மற்றும் பொற்றாசியம் கனியுப்புக்கள் கிடைக்கின்றன.
அத்துடன் இது நமது உடலில் நீர் இழக்கப்படாமல் தடுக்கின்றது..

பழங்கள் நோன்பு காலங்களில் உண்பது தொடர்பான அல்குர்ஆன் திரு வசனங்கள் சில

The Holy Qur'an mentions fruits as a generic term فاكهة fourteen times.

1. And for them there is fruit, and for them there is what they ask for. [36:57]

2. Therein they will recline; therein they will call for fruit in abundance and drinks. [38:51]

3. Therein for you will be fruit in plenty, of which you will eat (as you desire). [43:73].

அவ்வாறே மரக்கறிகளான கீரை வகைகள், தக்காளி, கரற், கறிமிளகாய், போஞ்சி போன்றவையும் ரமழான் மாதத்தில் நமக்கு பொருத்தமான காய்கறிகளாகும். இவற்றை சோற்றுடனோ அல்லது சூப்பாகவோ பயன்படுத்தலாம்.

சுவை மற்றும் ஆரோக்கியம் தரக்கூடிய இவை நம் ரமழான் மாத உணவுப்பட்டியலில் சேரட்டும்....

ரமழான் சிறப்பு




ரமழான் மாதத்தை பற்றி அல்லாஹ் திருமறையில் கூறுகிறான் :

ஈமான் கொண்டோர்களே! உங்களுக்கு முன் இருந்தவர்கள் மீது நோன்பு விதிக்கப்பட்டிருந்தது போல் உங்கள் மீதும்(அது) விதிக்கப்பட்டுள்ளது (அதன் மூலம்) நீங்கள் தூய்மையுடையோர் ஆகலாம். அல்குர்ஆன் 2:183

(இவ்வாறு விதிக்கப் பெற்ற நோன்பு) சில குறிப்பட்ட நாட்களில் (கடமையாகும்) ஆனால் (அந்நாட்களில்) எவரேனும் நோயாளியாகவோ, அல்லது பயணத்திலோ இருந்தால் (அவர் அக்குறிப்பிட்ட நாட்களின் நோன்பைப்) பின்னால் வரும் நாட்களில் நோற்க வேண்டும் எனினும்(கடுமையான நோய், முதுமை போன்ற காரணங்களினால்) நோன்பு நோற்பதைக் கடினமாகக் காண்பவர்கள் அதற்குப் பரிகாரமாக - ஃபித்யாவாக - ஒரு மிஸ்கீனுக்கு (ஏழைக்கு) உணவளிக்க வேண்டும் எனினும் எவரேனும் தாமாகவே அதிகமாகக் கொடுக்கிறாரோ அது அவருக்கு நல்லது - ஆயினும் நீங்கள் (நோன்பின் பலனை அறிவீர்களானால்), நீங்கள் நோன்பு நோற்பதே உங்களுக்கு நன்மையாகும் (என்பதை உணர்வீர்கள்). அல்குர்ஆன் 2:184

ரமழானியப் பூக்கள்


ஈமான் கொண்டோர்களே!
உங்களுக்கு முன் இருந்தவர்கள் மீது நோன்பு விதிக்கப்பட்டிருந்தது போல் உங்கள் மீதும்(அது) விதிக்கப்பட்டுள்ளது; (அதன் மூலம்) நீங்கள் தூய்மையுடையோர் ஆகலாம்
2:185

-----------------------------------------------------------------------------------------------


“அல்லாஹ்வையும் மறுமை நாளையும் நம்பிக்கை கொண்டவர் தம் அண்டை வீட்டாருக்குத் தொல்லை தரவேண்டாம். அல்லாஹ்வையும் மறுமை நாளையும் நம்பிக்கை கொண்டவர் தம் விருந்தாளியைக் கண்ணியப்படுத்தட்டும். அல்லாஹ்வையும் மறுமை நாளையும் நம்பிக்கை கொண்டவர் (ஒன்று) நல்லதைப் பேசட்டும். அல்லது வாய் மூடி இருக்கட்டும்” என்று இறைத்தூதர் (ஸல்) அவர்கள் கூறினார்கள். 

அறிவிப்பவர் :அபூ ஹுரைரா (ரலி), ஆதாரம் : புகாரி

----------------------------------------------------------------------------------------------------

நோன்பின் சில ஒழுக்கங்கள்



நோன்பின் சில ஒழுக்கங்கள்
-----------------------------------------------------

நோன்பாளி இச்சையைத் தூண்டும் காட்சிகளை விட்டும் வெறுக்கத்தக்க காட்சிகளை விட்டும் தன் பார்வையை தாழ்த்திக் கொள்ளவேண்டும்.

புறம் பேசுதல் கோள் மூட்டுதல் பொய்யுரைத்தல் முதலியவற்றை விட்டும் நாவைப் பேண வேண்டும்.

வெறுக்கத் தக்க செய்திகளையும் இசைகளையும் கேட்பதை விட்டும் காதுகளைப் பேண வேண்டும்.

மற்றும் இதர உடலுறுப்புகளையும் பாவத்தில் மூழ்க விடாமல் பாதுகாக்க வேண்டும்.

சாப்பிடுவதையும் குடிப்பதையும் அதிகமாக நாட்டம் கொள்ளாமல் இருக்க வேண்டும்.

நோன்பு நோற்று இருக்கும் நிலையிலும் நோன்பு திறந்த பிறகும் உள்ளத்தை அல்லாஹ்வின் மீது அச்சத்துடனும் ஆதரவுடனும் வைத்துக்கொள்ளவும். இந்நிலை வணக்கங்கள் அனைத்தின் இறுதியிலும் அமைந்திருக்க வேண்டும்.

நோன்பாளி தன் பல்லைப் பிடுங்க வேண்டிய கட்டாயம் ஏற்பட்டால் பிடுங்கிக் கொண்டு அதற்கு மருந்து வைத்துக் கொள்ளலாம். காதுகளிலும் கண்களிலும் சொட்டு மருந்திட்டுக் கொள்வதும் கூடும். சொட்டு மருந்தின் ருசியை தொண்டையில் உணர்ந்தாலும் சரி. நோன்பு முறியாது.

கடுமையான வெப்பநிலையில் சகிக்க முடியாத நோன்பாளி தன் உடலைக் குளிர் படுத்திக் கொள்வதால் நோன்பு முறியாது.

நோன்பு நோற்ற நிலையில் பல் சுத்தம் செய்து கொள்ளலாம்.

ஆஸ்துமா போன்ற நோய்களால் ஏற்படும் சுவாச நெருக்கடியை இலேசு படுத்தும் ஸ்ப்ரேயை நோன்பாளி தன் வாயில் செலுத்திக் கொள்வதால் நோன்பு முறியாது.

வாய் வரண்டு போய் சிரமமாக இருந்தால் நோன்பாளி உதடுகளை ஈரப்படுத்திக் கொள்ளலாம். அல்லது வாய் கொப்பளித்துக் கொள்ளலாம்.

ஸஹர் உணவை ஃபஜ்ருக்குச் சிறிது நேரத்திற்கு முன்பு வரைப் பிற்படுத்துவதும் சூரியன் மறைந்தவுடன் நோன்பு திறப்பதைத் துரிதப்படுத்துவதும் நபிவழி ஆகும்.

பழுத்த பேரீத்தம்பழம் அது கிடைக்காவிட்டால் சாதாரணப் பேரீத்தம்பழம் அதுவும் கிடைக்காவிட்டால் தண்ணீர் அதுவும் கிடைக்காவிட்டால் கிடைக்கும் ஏதேனும் ஓர் உணவைக்கொண்டு நோன்பைத் திறக்கலாம். எதுவுமே கிடைக்காவிட்டால் உணவு கிடைக்கும் வரை உள்ளத்தில் நோன்பு திறந்ததாக எண்ணிக்கொள்ளவும்.

நோன்பாளி வணக்க வழிபாடுகளை அதிகமாக்கிக் கொள்வதும் தடுக்கப்பட்ட அனைத்தையும் விட்டு தவிர்த்துக்கொள்வதும் அவசியமாகும்.

ஐவேளைக் தொழுகைகளை அதனதன் நேரத்தில் ஜமாஅத்துடன் நிறைவேற்ற வேண்டும்.

பொய் பேசுதல் புறம்பேசுதல் ஏமாற்றுவது வட்டி கொடுக்கல் வாங்கல் செய்வது தடை செய்யப்பட்ட சொல் செயல் அனைத்தையும் விட்டு விலகியிருக்க வேண்டும்.

ரமழான் சிந்தனைகள்




நோன்பு நரகத்தில் இருந்து காக்கும் ஒரு கேடயமாகும். நோன்பாளியின் வாய்வாடை கஸ்தூரியின் நறுமணத்தை விட சிறந்ததாகும்,”.

இப்படி நோன்பின் காரணமாக, எல்லையில்லா நன்மையை நமக்கு இறைவன் அருளி இருப்பதால், அந்த வாய்ப்பை ரம்ஜான் மாதத்தில் நழுவ விட்டுவிடக்கூடாது.உள்ளத்தூய்மையும், மனப்பக்குவமுமே இந்த நேரத்தில் நமக்கு அல்லாஹ்விடம் இருந்து அதிக கூலியைப் பெற்றுத்தரும்.

“”நன்மை செய்வதையே விரும்புபவனே! நீ வருக!
அதிகமதிகம் நன்மை செய்வாயாக.
பாவங்களை நாடுபவனே! நீ பாவங்கள்
செய்வதைக் குறைத்துக் கொள்,”

என்கிறார்கள் நாயகம் (ஸல்) அவர்கள்.

பிறருக்கு நன்மை செய்வது பற்றி, இந்த ரம்ஜான் நோன்பு காலத்தில்
சிந்திப்போம்

----------------------------------------------------------------------------------------------

("என்) இறைவனே! தொழுகையை நிலைநிறுத்துவோராக என்னையும், என்னுடைய சந்ததியிலுள்ளோரையும் ஆக்குவாயாக!
எங்கள் இறைவனே! என்னுடைய  பிரார்த்தனையையும்  ஏற்றுக் கொள்வாயாக!
குர்ஆன் 14-40

---------------------------------------------------------------------------------------------

நபிகள் நாயகம் (ஸல்) அவர்கள்

“நீங்கள் நோன்பிருக்கும் காலங்களில் வீணாக குரலுயர்த்திப் பேசிக் கொண்டிருக்க வேண்டாம்.

யாராவது திட்டினால் அல்லது சண்டைக்கு வந்தால், “நான்
நோன்பாளி, நான் நோன்பாளி’ என்று கூறிவிடுங்கள்,” என்கிறார்கள்

---------------------------------------------------------------------------------------------

"ரமழான் மாதம் எத்தகையது என்றால் அம்மாதத்தில் தான் மனிதர்களுக்கு வழிகாட்டக் கூடியதும்,தெளிவான சான்றுகளைக் கொண்டதும், (நன்மை தீமைகளை) வேறுபடுத்திக் காட்டக் கூடியதுமான திருக்குர்ஆன் அருளப்பட்டது. ஆகவே, உங்களில் யார் அம்மாதத்தை அடைகிறாரோ, அவர் அம்மாதத்தில் நோன்பு நோற்க வேண்டும்."
(அல்குர்ஆன் 2:185)

-------------------------------------------------------------------------------------------

அல்லாஹ்வின் தூதர் (ஸல்) அவர்கள் கூறினார்கள்:

நீங்கள் பிறையைப் பார்த்து நோன்பு நோறுங்கள். (மறு)பிறையைப் பார்த்து நோன்பை விடுங்கள். (ரமளான் பிறை இருபத்தொன்பதாம் நாள் மாலை) உங்களுக்கு மேகமூட்டம் தென்படுமானால் முப்பதாவது நாளும் நோன்பு நோற்றுக்கொள்ளுங்கள்.

இதை அபூஹுரைரா (ரலி) அவர்கள் அறிவிக்கிறார்கள்.

--------------------------------------------------------------------------------------------------


நபி(ஸல்) அவர்கள் கூறினார்கள்: யார் பாவமான சொல்லையும் அதைக் கொண்டு செயல்படுவதையும் விட்டு விடவில்லையோ அவர் தன் உணவையும் குடிப்பையும் விடுவதில் அல்லாஹ்வுக்கு எந்தத் தேவையும் இல்லை.

-------------------------------------------------------------------------------------------------


'ஒரு நோன்பாளிக்கு இரண்டு மகிழ்ச்சிகள் உள்ளன. நோன்பு திறக்கும் போது ஏற்படுகிற மகிழ்ச்சி ஒன்று. மற்றது அல்லாஹ்வை சந்திக்கும் போது மறுமையில் ஏற்படுகின்ற மகிழ்ச்சி'

என நபி (ஸல்) அவர்கள் கூறினார்கள்.


சந்தேகங்களும் விளக்கமும்




ரமழான் மாதத்தில் ஏற்படும் சந்தேகங்களும்
விளக்கமும்

1. நோன்பு காலங்களில் மனைவியுடன் கூடலாமா ?
நோன்புக் கால இரவில் நீங்கள் உங்கள் மனைவியருடன்
கூடுவது உங்களுக்கு அனுமதிக்கப்பட்டுள்ளது.  அவர்கள் உங்களுக்கு ஆடையாகவும், நீங்கள் அவர்களுக்கு ஆடையாகவும் இருக்கின்றீர்கள்.
 நீங்கள் இரகசியமாகத் தம்மைத் தாமே வஞ்சித்துக் கொண்டிருந்ததை அல்லாஹ் நன்கறிவான்.  அவன் உங்கள் மீது இரக்கங்கொண்டு உங்களை மன்னித்தான் எனவே,இனி(நோன்பு இரவுகளில்) உங்கள் மனைவியருடன் கூடி அல்லாஹ் உங்களுக்கு விதித்ததை தேடிக்கொள்ளுங்கள். இன்னும்
ஃபஜ்ரு (அதிகாலை) நேரம் என்ற வெள்ளை நூல் (இரவு என்ற) கருப்பு நூலிலிருந்து தெளிவாகத் தெரியும் வரை உண்ணுங்கள், பருகுங்கள் பின்னர்,
இரவு வரும் வரை நோன்பைப் பூர்த்தி செய்யுங்கள்
இன்னும் நீங்கள் பள்ளிவாசலில் தனித்து (இஃதிகாஃபில்) இருக்கும் போது, உங்கள் மனைவியருடன் கூடாதீர்கள்- இவையே அல்லாஹ் விதித்த வரம்புகளாகும் . அந்த வரம்புகளை(த் தாண்ட) முற்படாதீர்கள்  இவ்வாறே (கட்டுப்பாடுடன்)  தங்களைக் காத்து பயபக்தியுடையோர் ஆவதற்காக அல்லாஹ் தன்னுடைய சான்றுகளைத் தெளிவாக்குகின்றான்.
அல்குர்ஆன் 2:187

2. ஊசி போடலாமா ?

உடல் நிலை மோசமாக இருக்கும் போது ஊசி போடலாம்.
அதே நேரத்தில் உடம்புக்கு தெம்பு ஏற்படும் குளுகோஸ் போன்றவற்றை போடக்கூடாது.

3. வாந்தி வந்தால் நோன்பு முறிந்து விடுமா ?

தூக்கத்தில் விந்து வெளிப்பட்டால் நோன்பு முறியுமா?
எவருக்கும் தானாக வாந்தி வருகிறதோ அவர்
நோன்பை கலா செய்ய வேண்டிய கடமை இல்லை. எவர்
வேண்டும் என்றே வாந்தி எடுத்தாரோ அவர்
நோன்பை கலா செய்யட்டும் என்று அபூஹுரைரா(ரழி)
அறிவிக்கிறார்கள்.
 நூல் : அஹமத், அபூதாவுத்

4. நோன்பு வைத்தவர் மறந்து எதுவும் சாப்பிட்டால்
நோன்பு முறிந்து விடுமா?

நோன்பாளி மறந்து உண்டு விட்டாலோ அல்லது பருகிவிட்டாலோ நோன்பு முறிந்து விடாது.
அவர் அதை நிறைவு செய்யவேண்டும்.
(அபூஹுரைரா(ரழி), நூல் : புகாரி, முஸ்லிம்)

5. நோன்பு எதை கொண்டு திறப்பது ?
நபி(ஸல்) அவர்கள் பேரித்த பழம், தண்ணீர் மூலம்
நோன்பு திறப்பார்கள்.

சஹர் செய்தல்



சஹர் செய்தல்
---------------------

நீங்கள் சஹர் செய்யுங்கள்: ஏனெனில் அதில்(அபிவிருத்தி) பரகத் உண்டு. நபி(ஸல்)

அறிவிப்பவர்: அனஸ் (ரழி) புகாரி, முஸ்லிம்

ஒரு ரமழானில் சஹர் உண்ண என்னை நபி (ஸல்) அவர்கள் அழைத்தனர். பரகத் நிறைந்த உணவு உண்ண வாரும் என்று அப்போது கூறினர்.
நூல்:அபூதாவுது,நஸ்யீ

நாங்கள் நபி(ஸல்) அவர்களுடன் சஹர் உணவு உண்டோம்: அதன் பிறகு பஜ்ரு தொழுகைக்கு நின்றோம். ஸஹர் உணவு உண்டதற்கும் பஜ்ரு தொழுகைக்கும் இடையில் எவ்வளவு நேரமிருந்தது என நான் வினவினேன்.  அதற்கு அவர் திருக்குர்ஆனின் ஜம்பது வசனங்கள் ஓதுகின்ற அளவு இடைவெளி இருந்தது என விடை பகர்ந்தார்கள்.

அறிவிப்பவர்: ஜைது பின் தாபித் (ரழி)
நூல்: புகாரீ,முஸ்லிம்

நோன்பின் தற்காலிக சலுகைகள்


நோன்பின் தற்காலிக சலுகைகள்
--------------------------------------------------
"நீங்கள் பயணத்திலோ நோய்வாய்ப் பட்டவர்களாகவோ இருந்தால் வேறொரு நாளில் அதனை நோற்கவேண்டும்". (அல்குர்ஆன்: 2:185)

எங்களுக்கு மாதவிடாய் ஏற்படுகையில் (விடுபட்ட) நோன்பை வேறு நாட்களில் நோற்கும்படியும், அதே காலத்தில் விடுபட்ட தொழுகையை வேறு நாட்களில் நிறைவேற்ற கூடாது என்றும் உத்திரவிடப் பட்டிருந்தது.

அறிவிப்பவர்: அன்னை ஆயிஸா (ரழி) நூல்:முஸ்லிம்

அல்லாஹ்வின் தூதரே! பயணத்தில் இருக்கும்போது நோன்பு நோற்க எனக்கு சக்தி உள்ளது. அப்போது நோன்பு நோற்பது என்மீது குற்றமாகுமா? என்று நான் கேட்டபோது, நபி(ஸல்) அவர்கள் இது அல்லாஹ் வழங்கிய சலுகையாகும். எவன் இந்தச் சலுகையைப் பயன்படுத்துகின்றானோ, அது நல்லது தான். நோன்பு நோற்க எவரேனும் விரும்பினால் அதில் குற்றம் ஏதும் இல்லை.

வந்தது ரமழான்


அல்லாஹ்வின் மாபெரும் கருணையால் சிறப்புமிக்க ரமளான் மாதத்தை அடைந்து நோன்பு நோற்றிருக்கும் அனைவர் மீதும் அல்லாஹ்வின் சாந்தியும்,சமாதானமும் என்றும் நிலவட்டுமாக!

ஒவ்வொரு முஸ்லிமும் நோன்பின் நோக்கத்தை சரியாகப் புரிந்து நோன்பினை அனுஷ்டிக்கும்போது இந்த ரமளான் மாதம் நம் உள்ளங்களை தூய்மைப்படுத்தக்கூடியதாகவும், செய்த பாவங்களுக்கான கறையைப் பிரார்த்தனைகளுடாகக் கழுவக்கூடியதுமான மாதமாகின்றது.

ரமளான் மாதகாலம் முழுவ‌தும் ஏழை, பணக்காரன் எனும் பாகுபாடின்றி நோன்பு நோற்கவேண்டும் எனும் இஸ்லாத்தின்  கடமையை நாம் ஏற்று நோன்பிருக்கும்போது, மறுமையை வெற்றி கொள்வதற்கான இறையாச்சமும் அதனை வளர்க்கும் ஆன்மீகப் பயிற்சியும் நமக்குக் கிடைக்கின்றன.

இந்தப் பயிற்சியானது எதிர்காலத்திலும் நம்மை பொறுமையோடு இருக்கச்செய்யும்.

நோன்பு என்றால் வெறுமனே பட்டினி கிடப்பது மட்டுமல்ல! நல்ல பண்புகளையும் வளர்த்துக்
கொள்வதாகும். அதன் காரணமாக ரம்ஜானில் எடுக்கப்படும், இந்த பயிற்சியானது, வாழ்க்கை முழுமைக்கும் நமக்கு பயன்படுவதாக அமையும்.

அது மட்டுமல்ல! (ரமலான் மாதத்தில்செய்யப்படும்)
ஒவ்வொரு நன்மைக்கும் பத்து முதல் எழுநூறு மடங்கு வரை கூலி கொடுக்கப்படுகிறது.

“நோன்பு எனக்குரியது.
அதற்கு நானே கூலி கொடுப்பேன்’

என்று அல்லாஹ் கூறுகின்றான்.

ரமழானே


ரமழான் கலண்டர்
------------------------------------
பிறை பார்த்தே நம் ரம்ழான் நோன்பு ஆரம்பமாகின்றது. இந்த சந்திரன் தோற்ற நிலை, பயணங்களின் அடிப்படையைக் கொண்டு 2020 ம் ஆண்டு வரை எக்காலங்களில் புனித ரம்ழான் மாதம் நம்மை ஆரத் தழுவும் என்பதை விஞ்ஞானம் எதிர்வு கூறியுள்ளது. 

இந்நாட்கள் உண்மையா..அல்லாஹ்தான் அறிவான்..
இன்ஷா அல்லாஹ் நாமும் காத்திருந்து பார்ப்போம்..

ஹிஜ்ரி 1435 - வருடம் 2014 - June 29 - July 27
ஹிஜ்ரி 1436 - வருடம் 2015 - June 18 - July 16
ஹிஜ்ரி 1437 - வருடம் 2016 - June 07 - July 05
ஹிஜ்ரி 1438 - வருடம் 2017 - May 27 - June 25
ஹிஜ்ரி 1439 - வருடம் 2018 - May 16 - June 14
ஹிஜ்ரி 1440 - வருடம் 2019 - May 05 - June 03
ஹிஜ்ரி 1438 - வருடம் 2017 - April 24 - May 23

-----------------------------------------------------------------------------------------

தக்வா என்பது இறையச்சம். அல்லாஹ்விற்குப் பயந்து அவன் ஏவியவற்றைச் செய்தும் தடை செய்வதைத் தவிர்த்தும் வாழ்வதற்கான இப்பயிற்சியை நோன்பு வழங்குகின்றது. நோன்பில் இவ்வாறான உயரிய பண்புகள் இருப்பதனால்தான் நோன்பை ஒரு வணக்கமாக அல்லாஹ் அங்கீகரித்துள்ளான். 

எனவே .......

நோன்பிற்கு அல்லாஹ்விற்கு அஞ்சி நடப்பதைப் போன்று நம் வாழ்வின் சகல விடயங்களிலும் அஞ்சி நடப்போமாக! 

ரமழான் இஸ்லாம் கூறும் நல்ல விடயங்கள் அனைத்தையும் நமக்கு ஞாபகப்படுத்தும்  மாதமாகையால்...

பசி, தாகம் கட்டுப்படுத்துவதனைப் போல் நமது அனைத்து பாவங்களையும் கட்டுப்படுத்துவோமாக.!
--------------------------------------------------------------------------------------------------


("என்) இறைவனே! தொழுகையை நிலைநிறுத்துவோராக என்னையும்,என்னுடைய சந்ததியிலுள்ளோரையும் ஆக்குவாயாக! எங்கள் இறைவனே! என்னுடைய பிரார்த்தனையையும் ஏற்றுக் கொள்வாயாக!
குர்ஆன் 14-40

திருமறை