கொரோனா

கொரோனா
பிரகடனப்படுத்தும் தேசங்களில்..........
பீதி
இறுமாப்புடன் எரிகிறது!
.
நாட்காட்டி..........
விரல் சுட்டுகின்ற போதெல்லாம்
ஒலியலைகள் உமிழ்கின்றன
வீழும் தொற்றுக்களை!
 
வியந்து போன விஞ்ஞானம்
அயர்ந்து நிற்கின்றது......
வெற்றுக் கண்ணறியாத
விந்தையைத் தேடி!
 
நாசியின் கண்கள்
விழிக்க மறுத்து ........
ஒளித்துக் கிடக்கின்றன
முகத்திரைக்குள்!
 
மரணம்  வழியும் தேகமாய்
கொரோனா....
வேரறுக்கின்றது வாழ்க்கையை
மெல்லன அரித்து!
 
ஊரடங்கு நிசப்தத்தில்
ஊமையாய் கனக்கும் பெருமூச்சின் வீச்சில்
ஓலி இழக்கின்றது
ஆன்மாக்கள்!
 
முகத்திரையும் கையுறையும்
முகப்புச் செய்திகளாய்.........
தெருக்களில் கோலம் போடுகின்றன
மருந்துகளைத் தேடி!
 
மனிதம் மறந்த புனிதம்.........
மெல்ல முடிச்சவிழ்கின்றது
உயிரணுக்களின்
இறுதிப் பிணைப்பில்!

.... 25.03.2020.....Jancy Caffoor