மனைவியானவள்

கணவனின் குணமறிந்து
தன் மனதை வழி நடத்துபவளே நல்ல மனைவி.................!

அன்பான மனைவியே
ஆணின் அழகிய சீதனம்!

ஆன்மீகமும் அன்பும் குலைத்து
தன்னுயிராய் ...........
தாலி தந்தவனை
காலம் முழுதும் காதலிப்பவளே
அன்பானே மனைவி.............

வழித்துணை

என் வாழ்க்கைப் பயணத்தின்
வழித் துணையாய் நீ!

காலக் கலண்டரொன்று
நம்மிடம் விட்டுச் செல்கின்றது காதலை!

ஏந்திக் கொள்
ஏந்திழையினி உன்னவளாய்!

எழுதிச் செல்வோமினி
அழகான எதிர்காலமொன்றை!

காத்திருப்புக்களுடன்
எதிர்பார்ப்புக்களுடன் - உன்னுடன்
தொடரட்டுமினி என் பயணம்!

- Jancy Caffoor-
    09.04.2013

நீயா

உரிமை உன்னுள் கொண்டதனால்
உதறினாய் இதயம் கிழித்து
வீழ்ந்தாலும் அழவில்லை என் விழிகள்
மீள் எழுவேன் உன் கரம் பற்ற

காதல் வேடிக்கையல்ல
வேதனை
கற்றுக் கொடுத்தாய் எனக்கும்
குற்றுயிராய் என்னுசிரை நீயும் உறிஞ்சி!

- Jancy Caffoor-
    09.04.2013

விரலிடுக்கு பேனாவாய்

உன் விரலிடுக்குப் பேனாவாய்
தீ ஜூவாலைகள்!
உன் உதடு தொட்டுக் கொள்ளும்
ஒவ்வொரு புகையிலும்
கருகிப் போவது என் ஆத்மாவல்லவா!

அன்பைக் கற்றுக் கொடுத்த
நீதான்
பிடிவாதமாய் என் கண்ணீரையும்
நீ பற்றும் தீயில்
அணைத்துச் செல்லத் துடிக்கின்றாய்!

உன் உயிரைக் கருக்குமிந்த வேள்வியின்
விலையாய் என்னுயிரும்தான்!
அறிந்தும் அறியாததுபோல் - எனைக்
கடந்து செல்கின்றாய் ஆணவமாய்
நீயோர் ஆண் மகன் என்பதால்!

உனைக்கான என் கெஞ்சல்கள் எல்லாம்
செல்லாக் காசாகி
வீழ்ந்து கிடக்கின்றது மௌனவெளியில்

- Jancy Caffoor-
    09.04.2013