நிலா மோனா - 2

நிலா மோனா

எல்லையில்லா சுதந்திரத்தின் மைல்கல்லாய்
"ஆபத்து"
ஆரவாரிக்கும் விளைநிலமாய் நமது வாழ்க்கை!
-----------------------------------------------------------------------

என்னை உனக்காய் எழுதி வைத்தேன்
கவிதையாய்.....

வந்தாய் காற்றாய்....

உயிர்வாழ சுவாசம் தேவையில்லை - உன்
வாசமே போதுமடா!
-----------------------------------------------------------------------

சாலைப்பூக்கள் வியர்வை சிந்தும்
நீ
ஒற்றையடிப் பாதையிலே
நடந்துவரும் ஓசை கேட்டு!

உன்...
ஓர விழி பார்வை சிந்த
காத்திருக்கும் பொன்மலர்கள்
நம் காதில் கூறும் சேதி என்னவோ!

சோகம்

நம் நடத்தைதான் பிறருக்கு சந்தேகத்தை தோற்றுவிக்கின்றன. ஆனால் நாமோ பிறரைத் திட்டுகின்றோம் நம்மை புரிந்து கொள்ளவில்லையென!

---------------------------------------------------------------------------------

எல்லாமே பொய்த்துப் போன பின்னர் வாழ்க்கையைத் தேடுகின்றேன். அதுவோ எட்டா தொலைவில்....

அன்பு கொள்ளும் மனதிற்குத்தான் வலி அதிகம். காரணம் ஏமாற்றுவோர் அதிகம்!

-  Jancy Caffoor -

நீயாவது

காதல்....

வேப்பங்காய்தான்...

காரணம்...

அன்பை அலட்சியப்படுத்தி மனதோடு விளையாடும் ஆண்கள் அதிகம்!

ஏமாற்றங்களால் சுமந்த என் மனம் ஒதுங்கித்தான் இருந்தது இனி எதுவும் வேண்டாமென...

வந்தாய்...

வசந்தமாகி நின்றாய்...

உணர்வோடு உடலும் கலந்து உயிரான நம் வாழ்வினில்....

இன்றோ நீ....

எனை மறந்து வேற்றுத் திசையில்!

வாழ்ந்து கொண்டே  சாகின்றேன்..

புதைகுழியே இனி என் தலையணையாய்!

நீயாவது உனக்குப் பிடித்த வாழ்க்கையை வாழ்ந்திடு!

- Ms. Jancy Caffoor -