துயில் கொண்டேன் நீள்கிறாய் கனவாகி
துரத்துகின்றாய் நினைவுகளில் இன்பம் வழிந்தோட
துள்ளும் உள்ளமோ கள்ளுறும் உன்னன்பில்
துணையாகி தித்திக்கிறதே காதல் தேசத்தினில்
ஜன்ஸி கபூர்
2020/08/17
2020/08/16
தெய்வீக உறவு
கதவோரம் சாய்ந்து காத்திருக்கும் விழியினில்/
கண்ணாளன் நினைவு ஒட்டியிருக்கு பார்வையாக/
கருத்தோடு இசைந்தே கனிந்த இல்லறத்தில்/
கறையில்லாக் காதலும் ஆயுளுடன் நீளுமே/
தளர்ந்த மேனியில் தொய்வில்லா அன்பும்/
தள்ளாடும் நடையினில் உள்ளத்துப் புரிந்துணர்வும்/
தன் னிழலுக்குள் ஈர்த்திடும் பிணைப்பும்/
தலைமுறை அருகிருக்க தளிர்க்கிறதே குறைவுமின்றி/
இருமனம் கலந்திடும் திருமண வாழ்வும்/
விரும்பிடுமே நல்லறமாக காலமெல்லாம் வாழ்வதற்கே/
அரும்பிடும் விட்டுக்கொடுப்பால் பற்றிடும் உறவும்/
கரும்புச் சுவையினில் மாங்கல்யம் நனைத்திடுமே/
நரையின் திரைக்குள்ளும் இழந்திடாப் பரிவு/
நாடித் துடிப்புடன் குலாவியே அலைந்திடும்/
முரண்படா நெஞ்சத்தின் முதுமைக் காதல்/
முழுதாய் நனைந்திடுமே தெய்வீக உறவுக்குள்/
ஜன்ஸி கபூர்
ஹைக்கூ - 2
மஞ்சள் தெளிக்கிறது/
அதிகாலை கிழக்கு வானம்/
சுமங்கலிப் பெண்/
ஜன்ஸி கபூர் - 16.08.2020
யாழ்ப்பாணம்
Subscribe to:
Posts (Atom)