விடாது நெருப்பு

 

புகைக்கும் சிவப்பும் பகைக்கும் உயிரை/

நகைக்கும் உதடும் சிதையும் நோயால்/

எரியும் நெருப்பும் துரத்தும் ஆரோக்கியம்/

நரகத்தின் நிழலே நலன்களும் கெடுமே/

விலை கொடுத்தே வாங்கும் சுகமும்/

கலைக்குமே நிம்மதியை வாழ்வும் அழிய/  

ஜன்ஸி கபூர் - 11.12.2020

 

வெற்றி நமதே

கற்ற அறிவும் பெற்ற அனுபவங்களும்/

தற்றுணிவும் தன்னம்பிக்கையும் உணர்வினில் சேர்கையில்/

ஆற்றலின் உழைப்பு ஆரமாகும் எதிர்காலத்திற்கே/

நேயத்துடன் மானிடமும் போற்றுகின்ற பண்பாடும்/

நம்மைப் பற்றுகையில் நல்லுறவுகள் நமதாக/

மாண்பான வாழ்வும் வெற்றி தருமே/

ஜன்ஸி கபூர் - 21.12.2020

முத்தமிழை முத்தமிடுவோம்

   

தொப்புள்கொடி உறவினில் பூத்த மொழியே/

தொடர்கின்றாய் எம்முடன் முத்தமிழின் எழிலாகி/

சங்கம் வளர்த்த சரிதம் கேட்கையில்/

பொங்குதே இன்பமும் பெருமைக்குள் தாய்மொழியென/

மூத்தமொழி எம் சொத்தெனச் செப்பியே/

முத்தமிடுவோம் உதடுகளின் அசைவால் மொழிந்தே/

ஜன்ஸி கபூர் - 10.12.2020

 

அம்மாவும் அப்பாவும் கவிதைகள்

 --------------------------------------------------------------------------

 

உயிரினை வார்த்த உன்னத உறவுகள்/

உயிர்த்தனர் எனக்குள் அப்பாவும் அம்மாவுமாக/

வாழ்வின் தடங்களில் வசந்தமாகப் பூத்தே/

வாழ்த்தினர் என்றும் வளமாக வாழ்ந்திடவே/

எந்தன் உணர்வினை அழகாக மொழிந்தே/

சிந்தினர் எனக்குள் அன்பெனும் கவிதைதனை/

ஜன்ஸி கபூர் - 8.12.2020