வெட்டினாலும் வீழாதே வென்றெழவே வேரூன்று
எட்டுத்திங்கெங்கும் வழியிருக்கு எதிர்காலம் உனக்கழகு
விடிந்தேதான் சிதைந்தாலும் விருப்போடு எழுந்தோடு
வாழும்வரை போராட்டம் வாழட்டும் கனவுகளே
சூதும் அண்டிடும் சூரியனாய் துரத்திடு
தீதும் கொளுத்திடும் தீயாய் உளிர்ந்திடு
தீராப் பகையை தீயாய்க் கருக்கிடு
தீரும் குறைகளே செயலாய் வாழ்ந்திடு
தடைகள் அறுத்தெறி தன்னம்பிக்கையே வலிதாம்
உடைந்த நீரோட்டமே உயிர்ப்பாகும் அலையாம்
படைகள் சூழ்கையிலே பகுத்தறிவே அரணாம்
துடைத்தெறி விழிநீரை துயரங்களே துயிலாகும்
தோண்டியெடு சோம்பலைத்தான் தோல்வியது துளைக்காதே
வுண்டியோடும் சக்கரமாய் வாழ்வைத்தான் தேடியோடு
வுhழ்ந்திடத்தான் பிறப்பெடுத்தோம் தாழ்வேது தரணியிலே
புகழ்ந்திடட்டும் மாந்தர்தான் புன்னகையோ உன்னோடு
ஜன்ஸி கபூர்