வாழும் வாழ்க்கையால்

புன்னகை பூக்களே புரட்சிப் பாக்களே/
நவீன தேடலுள் நாகரிகம் புகுத்தி/
சோம்பல் உதறி உழைப்பால் உயர்ந்து/
அன்பில் கலந்து உறவுகளோடு இணைந்து/
வன்முறைகள் கொன்று ஒற்றுமையாய் கூடி/
வாழும் வாழ்க்கையால் பூமியை வெல்வோம்/

ஜன்ஸி கபூர் 

காலம் பதில் சொல்லுமோ

வரண்டு போன கானகங்கள் விலங்குகளின்
மரணக் கிடங்குகளோ மனிதம் மறந்தவர்களால்!
ஓர் மாதக் கரு சுமந்தே
தாய்மையால் தள்ளாடி தெருவோரம் திரிந்து

இரை தேடிய யானைக்கோ இவ்விதி
அனல் கக்கும் வெடி புதைத்த
அன்னாசி தின்னக் கொடுத்தவன் ஐந்தறிவால்
பலியானது யானையே அறமும் சிதைந்ததே

வெந்த புண் வலி தீர
நொந்து நெடுநேரம் நீரில் நின்றே
உயிர்  விட்டதே விதியும் நொந்ததே
நம் கண்களிலும் ஈரக் காயங்கள்

பஞ்சமா பாதகர்கள் வாழும் இப்பூமியில்
காலம் வருமோ  பதில் கிடைக்குமோ
அன்பும் மனதில் வாழுமோ
அகிலத்தின் அநாகரிகங்கள் வீழுமோ

ஜன்ஸி கபூர்