குறைவின்றிக் கொடுக்கின்றார் இரையாகும் உயிருக்கே//
கறை படியும் வாழ்வைச் சுமப்பவரெல்லாம்//
மறை கற்றிடவில்லை மாக்களைக் காப்பதற்கே//

- ஜன்ஸி கபூர் -07.07.2020

• 
  

செல்வங்கள்

நீலக்கடல் நனைந்தே நீந்தும் அலைகள்/
நீண்டு சென்றே நீளத் துடுப்பாகும்/
ஒய்யாரமாய்த் துள்ளும் ஓடங்களும் அள்ளும்/
ஒவ்வொரு மீனும் மீனவர் வாழ்வாதாரங்களே/

-ஜன்ஸி கபூர் 

• 
  

தாய்மை

பச்சைப் பசேலென்ற பசுமை  பூமியில்
இச்சையுடன் நனைந்ததே இளம் காற்று
மேகத் திரையும் மெல்ல அசையவே
மோகத்தில் வீழ்ந்தன மழைத் தூறல்கள்
போக விளைச்சலில் குலுங்கின மணிகள்
மகிழ்ச்சிப் புன்னகையில் அன்னை வயல்

 - ஜன்ஸி கபூர்

காந்தப் புன்னகை

கைவண்ணம் ஒளிரும் தூரிகையின் துடிப்பில்/
ஓவியங்கள் உயிர்த்தெழுமே மனதின் ரசிப்புடன்/
காந்தப் புன்னகையாள் மொனோலிசா அழகும்/
அழகியல் கலையின் அற்புத வார்ப்பே/

ஜன்ஸி கபூர்