வெற்றி நாயகன்

போராளி வென்றிடுவான் மனங்களின் நேசங்களை/
போராட்டத் தளமதை துணிவுடன் நெய்திடுவான்/
பேரிடர் களைந்திட இலக்குகள் வகுத்தேதான்/
பேரொளிச் சூரியனாய் வெற்றிகள் சுமப்பான் /  

ஜன்ஸி கபூர் 

ஈரத்துளிகளின் இன்பம்

மண்ணில் வீழும் மழைத்துளிகளின் வாசம்/
எண்ணம் மகிழ்ந்தே நீர்வார்க்கும் மரங்களுக்கு/
காற்றின் துவாரங்களில் சேரும் ஈரமோ/
நாற்றின் மேனிகளில் முத்துக்களாய் வெடிக்கும்/
சிறகடிக்கும் வண்ணாத்திக்குள்ளும் சிறு கூதலோ/
இயற்கையின் அதிசயங்கள்; ஆனந்தக்கண்ணீர் வடிக்கும்/

ஜன்ஸி கபூர்

வாழ்க்கைக் கோலங்கள்

இனியவாழ்வு எம்  கல்லூரிப் பருவமாய்
இதய மகிழ்வினில் கனவுகள் உயிர்த்தன
இணைந்திட்ட துணையோ இனிய வரமாய்
காலச் சிறகடிப்பில் காட்சிகள் மாறின
கோலச் சிதைவினில் வனப்பும் கரைந்தது
வறுமைக் கொடுமையினால் மனமும் வெறுத்ததே

ஜன்ஸி கபூர் 

உன்னத வாழ்க்கை

கட்டுப்பாடு துணையாகும் கண்ணிய வாழ்வினில்
தட்டுப்பாடு இன்றி தழுவும் ஒழுக்கமும்
விட்டுக்கொடுத்தே வாழ்ந்திட்டால் தன்னடக்கம் நமதாகும்
தட்டிக்கொடுக்கும் தரணியும் அன்பால் வசப்பட்டே

 ஜன்ஸி கபூர்