About Me

2020/07/16

மழை இன்பம்


விண்மீது முகிலோட்டம் நீரள்ளி யூற்றும்/
மண்ணோடு மழைநீரும் மனசொன்றிப் போகும்/
எண்ணங்கள் குளித்திட கன்னங்களும் குளிர்ந்திடும்/
வண்ணப்பூக்கள் மழையள்ளிப் போகின்றன மகிழ்வோடு/

வெள்ளாடைக்குள் சகதிப் பூக்களின் கும்மாளம்/
வெட்க மறியாத சிட்டுக்களின் உலகமோ சிரிப்புக்குள்/
வெட்டும் மின்னல் கொட்டும்போது அச்சமும்/
முட்டுமே மனதினில் தேகமும் மறைவுக்குள்/

பள்ளி போகும் பாதித் தூரம்/
துள்ளி வழியும் தூற்றல் மழை/
வாழையிலைக் குடையு மாடும் குதூகலத்தில்/
பிள்ளைக் கின்பம் ஊட்டுதிந்த மழை/

ஜன்ஸி கபூர்  



கல்லாமை நீக்கிய கடவுள்

 

கருப்புக் காந்தியாய் செல்லச் சொல்லெடுத்த
விரும்பும் மனிதராய் விலாசமும் கண்டவர்
அறிவியல் தேடலுக்குள் தொழினுட்பமும் புகுத்தவே 
வறிய மாணவரும் பகுத்தறிவு கொண்டனர்

உள்ளத் துயர்விலே பள்ளிகள் மிளிர்ந்திட
ஊக்குவிப்புத் திட்டங்களும் பல வகுத்தே
இல்லாமை ஒழித்தே இன்னல்கள் துடைக்க
கல்விக் கண்ணதை திறக்கச் செய்தார்

வகுப்பறைகள் உறங்கின மாணவர் குறைவுடன்
வறுமையை அகற்றவே தந்திட்டார் சத்துணவை
வெறுங் கதிரைகள் நிரம்பின மாணவர்களுடன்
கற்றனர் கல்வியும் நிலைத்தது வாழ்வினில்

கல்லாமை நீங்கவே உள்ளமும் உருகவே
எல்லோரும் படித்திடும் கனவும் வென்றார்
இன்னல்கள் ஒழிந்தே மகிழ்வுடன் வாழ்ந்திட
இதயங்கள் போற்றும் கல்விக் கடவுளுமானார்

ஜன்ஸி கபூர்  

நட்பின் பரிமாற்றம்

சந்திப்பு வேளையில் பரிமாற்றிடும் எண்ணங்கள்/
சிந்தையைத் தொடுகையில் சுகமாய் வருடிடுமே/
வந்திட்ட நேசங்கள் தீர்த்திடும் இன்னல்கள்/
சந்திர ஒளியாய் மனமதையும் மாற்றிடும்/

ஜன்ஸி கபூர்  


2020/07/15

பாட்டி வைத்தியம்



நவீன மருத்துவ சேவைக்குள்ளும் சிறப்பாம்/
நலம் காட்டும் பாட்டி வைத்தியம்//

-ஜன்ஸி கபூர் -