வாழ்க பல்லாண்டு

நிலவொளி அசைவினில் 

நித்திலமே அழகே/

நிமிடங்கள் கரைவதோ 

நினைவினில் எழாதே/

விழிகளும் துடிக்குதே 

விழுந்திட உன்னில்/ 

வியப்பின் பேரொளியாய் 

விளைந்திடும் கவிகளும்/

உலாவிடும் பாரினில் 

உன்னதப் படைப்புக்களாய்/

உவகையுடன் வாழ்த்துகிறேன் 

வாழ்க பல்லாண்டு/

ஜன்ஸி கபூர்  - 31.07.2020

 

•  

அற்புத வரமாய் நீ

 

இறைவனாலும்  பெறமுடியாத அற்புத வரம்
கருவறை சுமந்திடும் மழலையின் உயிர்ப்பே

துருவப் பனியில் செதுக்கிய சிற்பமே
திருமணப் பொக்கிசத்தில் உயிர்த்திட்ட நிலவே

கருவிலே உதைக்கும்  குறும்பினைப் பிசைந்தே
அருமைச் செல்வமாய் உயிர்த்தாய் உயிரினில்

திருமுக எழிலினில் விழிகளும் அழகே
இருளிலும் உந்தன் மழலையும் அமுதே

கருவாயி கண்டெடுத்த அற்புத வைரமே
திருநாள்தான் நீயெனக்கே வந்திட்டாய் அருகே

ஜன்ஸி கபூர்
 

முற்றத்தின் அழகு

முற்றம் கூடியோர் சுற்றம் போற்றவே
நற்கவி  இயற்றியே பொற்கவி ஆகினர்
தோற்றப் பொழிவுடன் நிலா முற்றமாம்
கொற்றவன் ஆயினார் நிறுவனர் மாறனார்

ஜன்ஸி கபூர் - 29.07.2020

 

அகவை வாழ்த்து

அகவை ஆறினில் பதித்திட்ட தளத்தில்/
ஆனந்தக் கீற்றுக்கள் தேனூற்றி மகிழும்/
அகம் நுழையு முந்தன் கவிதனில்/
அமிர்தச் சுவையூற்றாய் தமிழும் நனையும்/

ஆக்கமும் ஊக்கமும் எமக்களிக்கும் நிலா முற்றமே/
ஆற்றலுடன் வளர்கின்றாய் அன்னைக் குழுமமாய்/
ஆர்வத்துடன் உனை செதுக்கிய நிறுவனர்க்கும்/
அழகாய்  உனக்குள் உயிரூட்டும் குழுமத்திற்கும்/

அழகு சான்றிதழ்களும் அணைத்திட/
அற்புதத் தளமானாய் எம் பயணத்திற்கே/
அன்பான வாழ்த்துக்கள் அகம் மகிழ/
ஆயிரம் வருடங்கள் ஒளிர்ந்திடு அகிலத்தினுள்/

- ஜன்ஸி கபூர் - 28.07.2020