ஹைக்கூ - 4

உதிர்கின்ற சருகு

உரமாகின்றது தாய் பூமிக்கு

பாசத்தின் வெளிப்பாடு

ஜன்ஸி கபூர்

தொடர் கவிதைப் போட்டி - 02

ஊர்மெச்ச வாழ்ந்திடும் வாழ்வில் இன்பம்//

பேர் சொல்லும் வையகமும் என்றும்// 

சோர்ந்திடாத உழைப்பின் வலிமையே வெல்லும்//

சோகமும் சூழ்ந்திடாதே நெஞ்சமும் வருந்த//

ஜன்ஸி கபூர் - 21.08.2020

உரிமைக்குரல்

இணையத்தின் பிணைப்பில் உறவுகள்

இணையாத சமாந்தரங்களாய் நகர்வுகள்

இதயங்களுக்கிடையில் ஏனோ மௌனம்

இம்சிக்கிறதே அன்பும் அமைதியாகி

இனசனம் அருகிருந்தும் அனாதையாய் 

இடைவெளி நீள்கின்றதே வலியினில்

இளைஞர்களின் எதிர்காலம் இலக்கின்றி

இன்பமோ கண்ணுக்கெட்டா தொலைவினில்

இன்னுமேனோ தாமதம் நமக்குள்

இணைந்திடுவோம் மனங்களும் விழிப்புணர்வுடன்

ஜன்ஸி கபூர் - 19.08.2020

குறிஞ்சி மலரே

 

குறிஞ்சி மலரின் தாய்மடியோ மலையும்/

மலையும் கலை வடிக்கும் பெருமிதத்தில்/

பெருமிதத்தில் குறிஞ்சித் திணை காவியமாகும்/

காவியமாகும் நீலகிரியும் பேரழகு மலர்களால்/

மலர்களால் காதலில் அலையும் தேனீக்களும்/

தேனீக்களும் சுமந்திடும் தேனையும் ருசித்தேன்/

ருசித்தேன் நானும் மலர்களின் வண்ணங்களை/

வண்ணங்களை ரசிக்கையில் மனதும் பரவசத்தில்/

பரவசத்தில் விழிகளும் ஏங்கிடுதே வருகைக்கு/

வருகைக்கு காத்திருப்பேனோ ஈராறு வருடங்கள்/

வருடங்கள் நீள்கையில் தவிப்பும் துடிப்போடு/

துடிப்போடு காத்திருக்கிறேன் மலர்ச்சியினில் குறிஞ்சி/

ஜன்ஸி கபூர்