கற்றை நோட்டு

 க ச ட த ப ற இடுபடக்கவிதை

 கற்றை_நோட்டு

#க ற்றை நோட்டையே எதிர்பார்க்குது மனமே/

வ #ச தி வாழ்க்கையைத் தேடியும் ஓடுதே/

திட் #ட ம் போடாத செலவின் ஏற்றத்தால்/

வருத் #த மே வனப்பழிக்கும் உள்ளத்தின் உணர்வுகளை/

இட்டப் #ப டி கையூட்டுப் பெறுவோர் எல்லோருமே/

கருணையற் #ற மாந்தராக உருவெடுக்கின்றனர் நானிலத்தில்/

ஜன்ஸி கபூர் 

 

 

என்னதான் இரகசியமோ

 

மனது மெல்ல 

..... வழுக்குகின்றதே உன்னில்/

தனிமைக் கணங்கள் 

...... நிரப்பப்படுகின்றனவே நீயாக/

உனதான நினைவுகளை

...... வருடி உடைக்கின்றேன்/

உணர்வுகள் நசிகின்றனவே 

....... உனதான காதலில்/

பரவுகின்ற உன் 

........ வாசனைச் சுவாசத்தில்/

பனித் துளிகளும் 

........ கரைகின்றனவே இதமாக/

நீ சூடும் 

....... விழிப்பார்வைத் தழுவலிலே/

நீவுகின்றதே புன்னகையும் 

....... கன்னத்தைக் கிள்ளியபடி/

 

தென்றலின் சேமிப்பாய் 

........ உருமாறும் நிலாவே/

என்னதான் இரகசியமோ 

........ தேடுகிறேன் உனையே

ஜன்ஸி கபூர் - 03.10.2020

 

 

 

 

 

 

நம்பிக்கை

ஏழ்மைத் தணலுக்குள் வேகின்றதே வாழ்வும்/

ஏக்கங்களின் சிதைவுக்குள் நகர்கின்றதே நாட்கள்/

கொழுத்தும் வெயிலும் கொட்டுகின்ற மழையும்/

அழுக்குக் காகிதம் பொறுக்குவதற்குத் தடையோ/

சில்லறைப் பணம் தேடும் ஓட்டத்தில்/

சிதைகின்றதே வாழ்வின் வனப்பான கனவுகள்/

வறுமையும் தடுத்திடாதே அறிவினை ஏற்றிடவே/

வாட்டத்தை நீக்க ஏட்டினைப் புரட்டுவேன்/

தொட்டதும் துலங்கும் பொன்னாகும் வருங்காலம்/

தொடர் கற்றலால் போற்றுமே சுற்றமும்/   

நாளை என்பது நம்பிக்கைத் தேடலில்/

நானும் பற்றுவேன் கனவின் வெற்றிகளை/

ஜன்ஸி கபூர் - 11.10.2020

 

 

பூஞ்சோலை கவிதைகள்

  கவியுலகம் 

கவியுலகம் அணைக்கின்ற கவியுறவுகள் அகத்தினிலே/

களிப்பும் தழுவுகின்றதே கவிகளை வார்க்கையிலே/

சிந்தைக்குள் உணர்வூட்டி சிந்துகின்ற படைப்பினிலே/

வந்தமரும் கற்பனைகளின் மடியிந்தப் #பூஞ்சோலை/

 விழியே கவியெழுது

 விழியே என்னில் மொழிகின்றாய் உன்னையே/

நழுவுகின்றாய் நாணத்தால் நினைவினை வருடியபடி/

தழுவுகின்றாய் மனதினை நீயென் உயிராகி/

அழகியே அன்பால் எனக்கும் கவியெழுது/  

 

 ஆதியும் அந்தமும்

 

நீ வருவாயென தவிப்புடனே காத்திருந்தேன்/

விழிகளும் சோர்ந்தன உன்னுருவைக் காணாமல்/

உன்றன் நினைவினில் சுழன்றது மனமே/

ஏன் மறந்தாயோ சோகத்துடன் நானிருந்தேன்/

 

 ஆதியும் அந்தமும்

 

அன்னை தந்த அழகிய வரமாக/

மாண்பான வாழ்வை மனமது காணும்/

இடரினைக் கலைத்தே இன்பத்தை நிறைத்திடும்/

அன்பு உறவினைப் போற்றியே வணங்குவோம்/

 

 நீர்இன்று அமையாது உலகெனின் யார்யார்க்கும்

 வான்இன்று அமையாது ஒழுக்கு

 

காண்கின்ற உலகும் நிலை பெற்றிட/

வான்மழை வேண்டும் உயிர்களும் உயிர்த்திட/

பெய்திடும் மழையால் பெருகிடுமே வளங்கள்/  

தோன்றிடும் நல்வாழ்வில் சேர்ந்திடுமே நல்லொழுக்கமும்/  

 

 ஆதியும் அந்தமும்  

 

பள்ளி தந்த அழகிய அனுபவங்கள்/

துள்ளி வருமே வாழ்நாள் முழுதும்/

அள்ளியணைத்தால் நெஞ்சும் இனித்திடும் நினைவுகளால்/

அந்த வாழ்வுக்குள் இணைந்திடத்தானே ஆசை/