--------------------------------------------------------------------------
பொங்கும் அலைகளைப் புரட்டுது புயலும்/
தங்குமிடம் அழியத் தவிக்குதே மனமும்/
வங்கக்காற்றும் விரிக்கின்ற சுழல்ச் சிறையினில்/
தொங்குதே வாழ்வும் இன்னலுக்குள் வீழ்ந்தே/
வாழ்வின் தடங்களை இயற்கையும் அழிக்கையில்/
விழிகளின் மொழியாகின்றதே வழிகின்ற கண்ணீரும்/
ஜன்ஸி கபூர் - 3.12.2020
நிலையற்ற மனதால் நினைக்கும் எண்ணங்கள்/
அலையுமே தடமாறி அவலமே வாழ்வுக்குள்/
வாழ்வாதாரம் தேடும் வறுமைச் சுமைக்குள்/
தாழ்கின்ற பொழுதுகள் தள்ளாடுமே விடிவுமின்றி/
இடுக்கண் பற்றும் இயற்கை அனர்த்தங்களால்/
தடுமாறும் வாழ்க்கையும் தொலைக்குமே நிம்மதி/
ஜன்ஸி கபூர் - 7.12.2020
