வலிக்குள் வாழ்வினைத் துரத்துகின்ற வறுமைக்குள்/
வீழ்ந்தே துடிக்கின்றேன் விடிவும் இல்லையே/
அழுகின்ற கண்களுக்குள் அழுகுகின்றன இன்பங்கள்/
விழுகின்ற நீரினுள் புன்னகையும் கரைகின்றதே/
துடிக்கின்ற வயிற்றுக்குள் துயில்கின்ற பசியைத்/
துரத்திட வழியும் தெரிந்திடாத மனது/
துக்கத்தில் நனைகின்றது தவிப்பினைச் சுமந்தபடி/
கிழிசல் ஆடைக்குள் கிழிந்த கனவுகளும்/
அமிழ்கின்றன தினமும் ஆசைகளை மறைத்தபடி/
நிழல்களும் வெம்மைக்குள் நொருங்கிடும் வாழ்வினில்/
அழகான அன்பை தினமும் சேமிக்கிறேன்/
ஜன்ஸி கபூர் - 27.11.2020
