ஈரத்துளிகளின் இன்பம்

மண்ணில் வீழும் மழைத்துளிகளின் வாசம்/
எண்ணம் மகிழ்ந்தே நீர்வார்க்கும் மரங்களுக்கு/
காற்றின் துவாரங்களில் சேரும் ஈரமோ/
நாற்றின் மேனிகளில் முத்துக்களாய் வெடிக்கும்/
சிறகடிக்கும் வண்ணாத்திக்குள்ளும் சிறு கூதலோ/
இயற்கையின் அதிசயங்கள்; ஆனந்தக்கண்ணீர் வடிக்கும்/

ஜன்ஸி கபூர்

வாழ்க்கைக் கோலங்கள்

இனியவாழ்வு எம்  கல்லூரிப் பருவமாய்
இதய மகிழ்வினில் கனவுகள் உயிர்த்தன
இணைந்திட்ட துணையோ இனிய வரமாய்
காலச் சிறகடிப்பில் காட்சிகள் மாறின
கோலச் சிதைவினில் வனப்பும் கரைந்தது
வறுமைக் கொடுமையினால் மனமும் வெறுத்ததே

ஜன்ஸி கபூர் 

உன்னத வாழ்க்கை

கட்டுப்பாடு துணையாகும் கண்ணிய வாழ்வினில்
தட்டுப்பாடு இன்றி தழுவும் ஒழுக்கமும்
விட்டுக்கொடுத்தே வாழ்ந்திட்டால் தன்னடக்கம் நமதாகும்
தட்டிக்கொடுக்கும் தரணியும் அன்பால் வசப்பட்டே

 ஜன்ஸி கபூர் 

வெட்டினாலும் வீழாதே

 வெட்டினாலும் வீழாதே வென்றெழவே வேரூன்று
எட்டுத்திங்கெங்கும் வழியிருக்கு எதிர்காலம் உனக்கழகு
விடிந்தேதான் சிதைந்தாலும் விருப்போடு எழுந்தோடு
வாழும்வரை போராட்டம் வாழட்டும் கனவுகளே

சூதும் அண்டிடும் சூரியனாய் துரத்திடு
தீதும் கொளுத்திடும் தீயாய் உளிர்ந்திடு
தீராப் பகையை தீயாய்க் கருக்கிடு
தீரும் குறைகளே செயலாய் வாழ்ந்திடு

தடைகள் அறுத்தெறி தன்னம்பிக்கையே வலிதாம்
உடைந்த நீரோட்டமே உயிர்ப்பாகும் அலையாம்
படைகள் சூழ்கையிலே பகுத்தறிவே அரணாம்
துடைத்தெறி விழிநீரை துயரங்களே துயிலாகும்

தோண்டியெடு சோம்பலைத்தான் தோல்வியது துளைக்காதே
வுண்டியோடும் சக்கரமாய் வாழ்வைத்தான் தேடியோடு
வுhழ்ந்திடத்தான் பிறப்பெடுத்தோம் தாழ்வேது தரணியிலே
புகழ்ந்திடட்டும் மாந்தர்தான் புன்னகையோ உன்னோடு

ஜன்ஸி கபூர் 

•