குறிஞ்சி மலரின் தாய்மடியோ மலையும்/
மலையும் கலை வடிக்கும் பெருமிதத்தில்/
பெருமிதத்தில் குறிஞ்சித் திணை காவியமாகும்/
காவியமாகும் நீலகிரியும் பேரழகு மலர்களால்/
மலர்களால் காதலில் அலையும் தேனீக்களும்/
தேனீக்களும் சுமந்திடும் தேனையும் ருசித்தேன்/
ருசித்தேன் நானும் மலர்களின் வண்ணங்களை/
வண்ணங்களை ரசிக்கையில் மனதும் பரவசத்தில்/
பரவசத்தில் விழிகளும் ஏங்கிடுதே வருகைக்கு/
வருகைக்கு காத்திருப்பேனோ ஈராறு வருடங்கள்/
வருடங்கள் நீள்கையில் தவிப்பும் துடிப்போடு/
துடிப்போடு காத்திருக்கிறேன் மலர்ச்சியினில் குறிஞ்சி/
ஜன்ஸி கபூர்
