நேர்மறை
நரைக்காத அன்பு
---------------------------------
உதிர வழிப் பூவின் வாசத்தில்
உவகையும் கொள்ளுதே பாட்டியின் மனதும்
இறுக்கி அணைத்திடும் சுருக்கத் தேகத்தினிலும்
இதமான சுகமும் பேத்தியின் உணர்வுக்குள்
நரைத்திடாத இளமை அன்புக்குள் இருவரும்
எதிர்மறை
சினத்தின் துடிப்பு
கண்டதும் காதலால் மகளவள் தாய்மைக்குள்
காழ்ப்புணர்ச்சி கொண்டாளே கிழவியும் தனக்குள்
உதறிய மகளுக்குள் உருவான உறவினால்
உணர்வுகளுக்குள் தீப்பந்தம் பந்தமதை சுட்டெரிக்க
தவிக்கின்றாளே தங்கக் குழந்தையும் துயரத்தோடு
ஜன்ஸி கபூர் - 11.09.2020
ஆசைகள் நீள்கின்ற அடங்கிடாத மனதின்/
ஓசையாக பெருந் துன்பமும் இசைகின்றதே/
காசும் ஆள்கின்ற மனித வாழ்வுக்குள்ளே/
தாவுகின்றதே மனம் ஒரு குரங்காக/
காண்பனவற்றில் அலைந்திடும் திருப்தியற்ற உணர்வினால்/
கானலுக்குள் கரைகின்றதே வனப்பான எதிர்காலம்/
ஜன்ஸி கபூர் - 11.09.2020
வீரம் விளைந்த என் மண்ணிலே
விழுந்தன உடல்கள் எழுந்தன விதைகளாய்
விழுமியம் சிதைந்திடாத அறப் போரின்
அழகிய தடமாக உருமாறியதே தேசமும்
வெந்த ரணங்களின் வடுக்கள் எழுச்சிகளாய்
வெற்றியின் முரசினில் இசைந்ததே வரலாற்றில்
பகைதனை விவேகத்துடன் விரட்டிய துணிவும்
வாகையின் வாசத்தில் தாயகத்தின் வாசலோரம்
நெஞ்சின் வலிமையில் வஞ்சகப் பகையினை
அஞ்சிடாமல் துரத்திய தீரத்தின் விளைநிலமாக
சிந்திய உதிரமும் சிந்தையின் விடுதலையாக
சிரிக்கின்றதே எந்தன் மண்ணும் பாரினுள்
ஜன்ஸி கபூர்
பொன் -7
------------------
தலைப்பு - இன்றைய சூழலில் மாணவர்களுக்குத் தேவை
----------------------------------------------------------------
உட் தலைப்பு –
இ. தன்னம்பிக்கை
--------------------------------
தமிழ் வணக்கம்
-----------------------------
அமிர்தம் வழிந்திடும் இன்பத் தமிழே/
அகிலத்தின் மொழிகளுக்குள் முகிழ்த்தாய் முத்தாக/
தித்திக்கின்ற தமிழே வணங்கினேன் உன்னையே /
தலைமை வணக்கம்
-------------------------------------
கவிபாடி மனங்களை ஆளுகின்ற தலைவா/
கருத்தினில் நடுநிலையுடன் மொழியுடன் மணக்கின்ற/
கவியரங்கத் தலைவரே வணங்குகின்றேன் உங்களை/
அவை வணக்கம்
-------------------------------
மனங்களும் குவிக்கின்ற கருத்தினைக் கேட்டே/
மகிழ்ந்தே செவிமடுக்கின்ற இனிய சபையோரே/
மனமார்ந்த வணக்கங்கள் உங்கள் சிந்தைகளுக்கே/
இன்றைய சூழலில் மாணவர்களுக்குத் தேவை #தன்னம்பிக்கை
-------------------------------------------------------------------
பெற்றிடும் கல்வியே பேறாகித் தொடரும்/
நற்றவ வாழ்வினில் நன்மைகளும் விளைவிக்கும்/
தற்றுணிவும் முயற்சியும் வெற்றிக்குத் துணையாம்/
தரணியில் இசைந்திட தன்னம்பிக்கையே அரணாம்/
விஞ்ஞானத்தின் விளைவுக்குள் அஞ்சாத தொற்றுக்களும்/
தஞ்சமாகி மேனிக்குள் நலத்தினை பஞ்சமாக்குகையில்/
பள்ளிகளோ உறக்கத்தில் மாணவரோ சுயகற்றலில்/
படிக்கின்ற ஆர்வத்துடன் தன்னம்பிக்கையும் வேண்டுமே/
அனுபவக்கல்விதனை முறையாக சிந்தைக்குள் ஏற்றிட/
அகற்றிடல் வேண்டுமே தடுத்திடும் தடைகளை/
மாணவர் விருப்புடன் கற்றிடும் கல்வியே/
பண்பான வாழ்வுக்குள் ஆளுமையை வளர்த்திடுமே/
நன்றி நவில்தல்
------------------------------
வாய்ப்புக் கொடுத்து கருத்தினை வளப்படுத்த/
களம் தந்த நடுவருக்கும் குழுமத்திற்கும்/
நன்றிகளை நவில்கிறேன் நெஞ்சமும் மகிழ/
ஜன்ஸி கபூர் - 10.09.2020
