பசுமை நினைவுகளின் இதமான அணைப்பினில்
பரவுகின்றதே மகிழ்வும் தேகமும் சிலிர்த்திட
கொஞ்சும் விழிகளின் காதல் பார்வையில்
பஞ்சு மேனியும் நாணத்தில் சிவக்கிறதே/
தழுவுகின்ற சிறகினில் உரசுகின்ற தென்றலும்
மஞ்சள் முகத்திலே முத்தங்களைப் பொறிக்கையில்
வட்டக் கருவிழிதனில் மொய்த்திருக்கும் அன்பினைச்
சூடுகின்றதே கனவும் சூழுகின்றதே வனப்பும்/
இரகசியச் சந்திப்பில் இசைகின்ற உயிர்களில்
இரேகைகளாகப் படிகின்றதே ஊடற் சுகமும்
இதயம் குளிர்கின்றதே உதயத்தின் அலைவினில்
இரசிக்கின்றேன் வண்ணங்களைத் தெளிக்கின்ற காதலையே
ஜன்ஸி கபூர்