குழந்தையும் தெய்வமும்

குழந்தையும் தெய்வமும்

+++++++++++++++++++++++ 

குதூகலச் சிரிப்பினில் உள்ளம் உவந்தேனே//

உவந்தேனே நிதமும் உன்றன் அழகிலே//

அழகிலே செதுக்குகின்றாய் மழலைக் குறும்புகளை//

குறும்புகளைச் சுவைக்கின்றேன் பொழுதுகள் மகிழ்ந்திடவே//

மகிழ்ந்திடவே மலர்ந்தாய் உறவின் நிழலாய்//

நிழலாய்த் தொடர்கின்றாய் நினைவுகள் தித்திக்கின்றதே//

தித்திக்கின்றதே இல்லமும் உன்றன் அன்பினால்//

அன்பினால் உயிர்த்தே கருவுக்குள் உயிரானாய்//

உயிரானாய் உறவுக்குள் உணர்வுக்கும் அருளானாய்//

அருளானாய் வாழ்விற்குள் நீயென்  தெய்வமுமாகி//

ஜன்ஸி கபூர் - 18.12.2020