விவசாயம் தலைமுறை அறியுமா

 

துளிர்க்கின்ற பசுமைக்குள் உயிர்க்கின்ற வாழ்வினை/

அளிக்கின்ற விவசாயம் அறியவேண்டும் தலைமுறை/

சேற்றில் புதைக்கின்ற காலடித் தடத்தில்/

வீற்றிருக்கின்ற உழைப்பின் வாசம் உன்னதமே/

ஏர் கண்டறியா ஏடுகளைப் புரட்டுகையில்/

ஏற்படுமோ அனுபவங்கள் ஏற்றமுண்டோ பொழுதுகளில்/

கரமும் ஏந்துகின்ற மண்வெட்டி புரட்டுகின்ற/

உரத்தின் சேர்க்கைக்குள்ளே உயர்வின் ஈரம்/

தொலைவில் நின்றே தொலைக்கின்ற உழைப்பை/

கலையாக்கிக் கற்பிப்பதே காலத்தின் சிறப்பு/

ஜன்ஸி கபூர் - 21.12.2020