வாழ்க்கை

வாழ்க்கை என்ற நீண்ட பயணத்தில் வெவ்வேறு தரிப்பிடங்களில் நின்றே பயணிக்கிறோம். நாம் விரும்பியோ விரும்பாமலோ வெவ்வேறு முகங்களை கடந்தே செல்கின்றோம். அவர்களின் தரிசிப்பில் விருப்போ வெறுப்போ நம் வசம். சிலரின் பிரியங்களைச் சுமக்கும் நாம், சிலரின் முரண்பாட்டுக்குள் சிக்கவும் வேண்டும். இந்த நியதியின் அடிப்படையில் அமைந்த உறவு சட்டகங்கள் நாம் வாழும் வாழ்க்கையின் பகுதிகள்தான்.

-Jancy Caffoor- 
  05.05.2019

மாற்றங்கள்

மாற்றங்கள் யாவும் மனங்களிலிருந்து  உயிர்க்கும்போதே பிறக்கின்றன. வெறும் உதடுகளால் முன்மொழியப்படுகின்ற வார்த்தைகள் மாற்றங்களைக் கொண்டு வராது. எண்ணங்களை உள்வாங்கும் மனது,  தான் பயணிக்கப் போகும் பாதை பற்றிய திடமான தீர்மானத்தை தனக்குள் உள்நுழைத்து அதற்காக தன்னை அர்ப்பணித்துச் செயற்படும்போதுதான், அவை மாற்றங்களுடன் வாழ வேண்டிய பக்குவத்தை நமக்கு கற்பித் தருகின்றன.

- Jancy Caffoor-
   05.05.2019

யதார்த்தம்

இயல்பாகிப் போன வாழ்விலிருந்து விலகுதல் என்பது சாத்தியமற்றது. ஏனென்றால் மனச்சாலையில் ஆங்காங்கு வீழ்ந்து கிடக்கும் தடைகளை உடைத்து  வெளியேற முயற்சிக்கும்போது பெரும் போராட்டமே வெடித்துச் சிதறுகிறது.

- Jancy Caffoor-
   05.05.2019

உள நெருக்கீடு

நம்பிக்கைகள்  சிதைக்கப்படும்போது  அதனை  மீள கட்டியெழுப்புவதென்பது சிரமமானதுதான். அடுத்தவர் வார்த்தைகளால் ௨ணர்வுகைளக் காயப்படுத்தும்போது நாம்  வெளிப்படுத்தும் மௌனம் பாரிய ௨ளநெருக்கீட்டைத் தீர்க்காவிட்டாலும்கூட நம்மைச் சூழ தற்காலிகமாக ௮மைதியையேனும் தோற்றுவிக்கக்கூடியது.

.

- Jancy Caffoor-

   05.04.2019