அஸ்கா - சஹ்ரிஸ் -ஆக்கம்

ஒரு பிள்ளையின் இயல்பு வாழும் சூழல் மூலம் தீர்மானிக்கப்படுகிறது .அந்த வகையில் எங்க வீட்டு சின்ன ராணிகள் , அஸ்கா , (Grade 5) சஹ்ரிஸ்  (Grade 2) என்னை போலவே கவிதை எழுத ஆவல் கொண்டு படைத்த ஆக்கம் இது.
அவர்கள் வளர்ந்து இதை வாசிக்கும் போது கிடைக்கும் அந்த மகிழ்வை நானும் நுகர வேண்டும் .....

                                                                   

அஸ்கா

------------

அழகு நிறைந்த பொம்மை.
உயிர்  இல்லாட்டியும்   உடம்பு  உள்ளது.
மென்மையான பஞ்சுவால் ஆனதே
அழகான அருமையான பொம்மை..............
.
கடையில் அழகழகாய் அலுமாரியில் இருக்கிறது பொம்மை!
 அதன் அழகு எல்லோரினதும் மனதில் மகிழ்ச்சியை தருகிறது  சின்னஞ்சிறியதில் இருந்து பென்னம் பெரியது வரை உள்ளதே பொம்மை ......
கண்ணை சிரிக்க வைக்கும் ஆற்றல் உள்ளதே பொம்மை
.
மனதில் உள்ளவற்றை சொல்ல வைக்கும் ஆற்றல் உள்ளதே பொம்மை
சிறுவர்களுக்கு விளையாட விருப்பம் உள்ளதே பொம்மை
சிறுவர்களுக்கு பரிசாக போவதே பொம்மை.......
பொம்மை எங்கள் வாழ்வில் மகிழ்ச்சியை தருகிறது !
.
பொம்மையின் அழகை நாம் ரசித்த வாழ வேண்டி உள்ளது
பொம்மையை நீ வாழ்க!
பொம்மையை நீயே வளர்க !!





------------------------------------------------------------------
                                சஹ்ரிஸ்
------------------------------------------------------------------


அழகு சஹ்ரிஸ் ......
அவள் நல்லவள்.
நன்மைகளே செய்வாள்.
அன்பானவள்.
அப்பாவி சனத்துக்கு உதவுவள்...
 நான் வளர்ந்து பெரியவள் ஆனால் விஞ்ஞானியாக போக எனக்கு புடிக்கும். எனக்கு ஜன்னியையும் உம்மம்மாவையும் புடிக்கும்.
நான் அவர்களின் பிள்ளையாக இருக்கோணும்
நான் அவர்களின் செல்ல புள்ளையாக இருக்க வேண்டும் என்று  நான் கேட்டுக்கொள்கிறேன்.
 நன்றி



-Jancy Caffoor-

சஹ்ரிஸ்

மேகக் கீறலிடை மின்னும்
வெண் முத்தோ இவள்...
சாமம் விழித்து வாசம் தூவும்
வெண் மல்லிகையோ .....
.
வானவில் பிழிந்த வண்ணச் சாரல் இவள்...
தேன் சிந்தும் வாச மலர்  இவள் ...
கானமிசைக்கும் குயில் இவள் ...
பண்ணிசைக்கும் மூங்கில் இவள் ...
.
தங்க மீன்கள் இவள் விழியோரம்
ஏழு தாண்டா அரும்பிவள் ...
குறும்பாய் சிந்தும்  அமிர்தம் இவள்...
புன்னகை நெய்யும் ஒளியும் இவள்!
.

வெயில்

வெயில் பூக்கள் உதிர்கின்றன
மூச்சு காற்று உஷ்ணமாக!

வெய்யில் குடைக்குள்ளும்
வியர்வை சூடாக!

வெயில் கூட்டுக்குள்
அனல் முட்டைகள்!

வெம்மை குறி வைக்கின்றது
பசுமையை!

அனல் தீ மூட்டலில்
நிழல் கருகிறது!

மலட்டு மேகங்களின் மௌனம்
நிசப்தமாக!

உஷ்ணத்தின் இஷ்டத்தில்
உருகும் மேனி!

ஈர வண்ணத்தியை தொட்டு பார்க்க
பிரார்த்தனைகள் உதிர்கின்றன!

மின்விசிறிகள் உறிஞ்சும் பெரு மூச்சுகளாவது
உதிருமா ஈரமாய்!

கோடையை கொடையாக்கும் மேடையோ

இம் மாதம்!

- Jancy Caffoor -

 

இனி

வேகமான கால ஓட்டத்தில் பதவி வழிவந்த பணிச்சுமை மற்றும் வாழ்வியல் போராட்டங்களுக்கு மத்தியில் என் விரல்கள் கணனியில் பதிவிடவில்லை . நீண்ட வெறுமையில் சோர்வும் ஓர் அங்கமாகி போக நாளை            நாளை  என நாட்கடத்தலும் நீண்டது . கிட்டத்தட்ட நாலரை வருடங்கள்! என் கவிதாயினியிலிருந்து விலகியே இருந்தேன். இறுகி கிடந்த என் கற்பனை உணர்வுகளை நட்பு வட்டம் மெல்ல மெல்ல கிளற ஆரம்பிக்க, தூசு தட்டினேன் இவ் வலைப்பூவை !

எதை எழுதுவது .....................எப்படி எழுதுவது ...................?

எல்லாமே மௌனித்த உணர்வு.  நான் மாறிவிட்டேனா! இயல்பான வாழ்வியல் சிந்தனைகளை நசுக்கி விட்டதா? ஆனாலும் ஏதோ நான் எழுத வேண்டும். எனக்காக இல்லாவிட்டாலும் நான் நேசித்த என் கலைக்காகவேனும்  எழுத வேண்டும். மீண்டும் நான்  நானாக, என் கலையாக மாறவேண்டும் !

அந்த ஏவல் என் உணர்வுகளுடன் கசிய தொடங்கியவுடன் விரல்களும் விசைப் பலகையுடன் பேசத்தொடங்கியது மழலையாய். ஒரு கலைவாதி மௌனிக்கலாம். ஆனால் மறைந்து விடுவதில்லை. இனி தினமும் என் கவிதாயினியை நான் தரிசித்து போவேன்.

- Ms. Jancy Caffoor -
   07.05.2019