வாழ்வின் உயர்ச்சி

குளிர்ச்சி மேகங்கள் மழையாய் பூத்திட்டால்
வளரும் விருட்சங்கள் பசுமையில் செழித்திடும் 
களிப்பால் உழைப்பும் உயர்வைத் தொட்டிடும்
மலர்ச்சியும்  வாழ்வில் நிலையாய் ஊன்றிடுமே

ஜன்ஸி கபூர் 

கூடா நட்பு

கூடா நட்பின் மலர்ச்சி
தேடி தரும் இகழ்ச்சி

 

நீரைத் தேடும் உயிர்

தாவி யோடும் மேகங்கள் பிழிந்தே/
தூறல்கள் வீழுமே மனதும் பூக்குமே/
ஈரம் கசியும் காற்றில் நனைந்தே/
மரங்கள் மகிழுமே வாட்டம் தீருமே/

பாறை உருகும் வெயிலின் வலியில்/
தரைகள் உடையுமே தளிர்கள் சிதையுமே/
நிழலாய் வீழும் விருட்சக் குடைகள்/
அழிந்தே போக அகிலம் உடையுமே/

வரண்ட மண்ணும் உடைக்கும் வெடிப்பில்/
வேரும் மோதுமே பாரும் சாயுமே/
விண்ணும் கதறும் வெம்மை தணிக்க/
கண்கள் குளிருமே  மழையும் வீழுமே/

நீண்டு யர்ந்த கிளைகள் மோதி/
இருண்ட கொன்றல் மின்னல் வெட்டுமே/
இயற்கை உயிர்த்து பஞ்சம் நீங்க/
நீரைத் தேடும் உயிர்கள் வாழுமே/

ஜன்ஸி கபூர்  

•  

வேண்டாமே முகமூடிகள்

உள்ளொன்றும் புறமொன்றுமாக முகமதைச் செதுக்கி
கள்ளமாக உறிஞ்சிடுவார் அடுத்தவர் புன்னகைகளை
உள்ளத்தின் அழுக்கில் தள்ளாடும் பொய்களால்
துள்ளிடுவார் கபட வேசங்கள் அணிந்தே

புவிக்குள் வேரூன்றி கனிந்திடுவார் சுயநலமாய்
நாவினிக்கும் பேச்சினால் கரைத்திடுவார் துரோகங்களை
மலருக்குள் மறைந்திருக்கும் முட்களின் விரல்களால்
நலம் விசாரித்தே பிடுங்கிடுவார் மூச்சுக்களை

கெடு மதியால் கேடுகள் செய்தே
இடுக்கண் விளைவிப்பார் மனித மனங்களில்
மிடுக்குடன் அவனிக்குள் உலாவும் போலிகள்
தடுக்கி விழட்டும் காணாமல் போகட்டும்

ஜன்ஸி கபூர்