உடனடி நிவாரணம்

முடக்கு அறுக்கும் முடக்கொத்தான் நமக்கே

முடக்காதே வாழ்வினை நோயினில் வீழ்த்தி

அடங்கும் நரம்பின் பலகீனம் விரைந்தே

உடம்பின் வலியும் உடனடி கரையும்

படரும் தோல் வியாதியும் மறைந்திடும்

உடனடி நிவாரணமே தந்திடும் மூலிகையே

 

ஜன்ஸி கபூர்  

இயற்கை வரங்கள்

மரங்கள் இயற்கை பெற்ற வரங்களே/

உரங்கள் தானே மண்ணும் செழிக்கவே/

கரமது கொடுப்போம் சூழலும் உயிர்க்கவே/

சிரமும் தாழ்த்தி வளர்த்திடுவோம் வையகத்தினில்/

ஜன்ஸி கபூர் - 18.08.2020

கையளவு மனசு

கையளவு மனசுக்குள்ளே அடங்கக்கூடிய ஆசைகளே/

நம்பிக்கையான எதிர்காலம்

நமதாகும் என்றும் /

நிலையற்ற வாழ்வுக்குள்ளே அலைகின்ற ஆசைகள்/

கலைத்திடுமே நிம்மதியை புத்தரும் சொன்னாரே/

அன்பில் மனமிருந்தால் ஆரத்தழுவிடும் உறவுகளே/

இன்ப வெளிக்குள் ஈகையையும் நனைத்திடுமே/

உள்ளப் புரிந்துணர்வால் ஊரும் அணைத்திடவே/

எண்ணத்தின் சிறப்பினிலே ஏற்றமாகும் எதிர்காலம்/

தாவியோடும் மனதுக்குள்ளே

தவிப்புக்களைச் சுமக்காது/

மேவியே வாழ்ந்திடலாம் நிலையற்ற வாழ்வினில்/

ஜன்ஸி கபூர் - 17.08.2020

யாழ்ப்பாணம்

 

• 
  

எனை மீட்டும் காதலே

 சலனப்படாத இரவின் மடியும் உயிர்க்கிறது

சந்தோஷம் பிழிந்தூற்றும் உந்தன் அன்பினாலே

சத்தம் மொழியாத விழித் துடிப்புக்குள்ளே

முத்தம் மறைக்கிறாய் முழுதாய் நனைகிறேன்

வெட்க மடிப்புக்குள் உனைச் சுற்றியே

கட்டியணைக்கிறாய் காதலும் சுவையில் மயங்கவே 

சிட்டின் சிறைக்குள்ளே உயிர்த்திடும் மெட்டுக்குள்ளே

தொட்டுக் கொள்ளவா தொடர்ந்திடவா உனக்குள்

கருவிழி ஜாடையினில்  கலந்திட்ட நிழலே

பருவத்தின் எழிலில் நினைவுகள் மோதிட

இரு உயிர்களும் துடிக்குதடி மௌனத்தில்

அருகினில் நீயென்றால் ஆயுளும் நீளுமடி

எனை மீட்டும் காதலே வா

ஏங்க வைத்தே அருட்டுகின்றாய் உணர்வுகளை

மங்காத அன்போடு வாழ்வுக்குள் நாமிணைய

தூங்காமல் காத்திருக்கிறேன் இசையாகி வந்துவிடு

ஜன்ஸி கபூர்