கருத்தரிக்கும் கனவுகளுக்குள் கானலை ஊற்றாது
கருத்தினில் வலிமையேற்றி முயற்சியோடு செயலாற்று
வீழ்கின்ற சருகெல்லாம் உரம்தானே மண்ணுக்கும்
அழுகின்ற வாழ்வும் அவலத்தின் உறைவிடமே
வெற்றியைக் காணவே பற்றிடு இலக்கையே
அன்பின் புன்னகையால் மனங்களை வென்றிடு
இன்பத்தின் வாழ்க்கைக்குள் சுற்றமும் இணைகையில்
இல்லையே தோல்வியும் தொட்டதும் துலங்குமே
விதியினை நீதானே கண்ணீரால் எழுதாதே
விடியல் தேடலில் அழுதல் பாவமே
ஜன்ஸி கபூர்
கற்பூரவல்லி கை வைத்தியம் நமக்கே/
நற்பலன் தந்திடுமே வளமான வாழ்விற்கே/
தண்டும் இலையும் மருந்தே நமக்கு/
தணியுமே காய்ச்சலும் தலையிடியும் போகுமே/
கண் அலற்சிக்கு பூச்சு மருந்தாம்/
கரைந்திடுமே கட்டிகளும் இலைச் சாற்றிலே /
மனக்கோளாறும் மறைந்திடுமே ஓமவல்லிச் செடியிலே/
மனமும் சுகத்தில் மருத்துவத்தின் மாண்பில்/
இரத்தத்தின் சுத்திகரிப்பால் இதயத்திலே மகிழ்வோட்டம்/
இலைச் சாற்றிலேதான் சளியுமே கரைந்திடுமே/
அழகிய செடியிலே அகன்றிடுமே நோய்களுமே/
குழந்தைகளைக் குணமாக்கும் குடிமனை மருத்துவமே/
ஜன்ஸி கபூர் - 22.09.2020
சிந்துகின்ற வெள்ளொளி படர்ந்திடும் பந்தலிலே
சிதறிக் கிடக்கின்ற அஞ்சனமும் பேரழகே
வெண்மேகத் தாவணிக்குள் மறைத்திடும் முகமதைக்
காண்போரும் கண்படுவாரே எழில் கண்டே
காற்றும் உதைத்திடாத உருளைப் பந்தைக்
காட்டியே சோறூட்டுவாரே அன்பின் அன்னையும்
ஆழ்கடலும் பொங்கியே உமிழ்ந்திட்ட நுரைக்குள்
விசும்பும் மேனியினை நனைத்தே மகிழ்ந்திடுமே
பூமிப் பசிக்கு பரிமாறப்பட்ட தோசையைப்
பகிர்ந்திடுமோ சிறகடிக்கும் வான் பறவைகள்
சிதறிய விண்மீன்களின் ஒளி விளக்கினை
சிதைத்திடுமோ ஆதவனின் மறை விரிகதிரும்
இருண்ட காட்டினில் அலைந்திடும் தேவதையை
இதய அன்பால் வாழ்த்திடுமே அல்லியும்
ஆகாய வீதியில் யாரெறிந்தார் வெள்ளியை
அண்ணார்ந்து பார்க்கையில் அதிசயிக்கிறதே விழிகள்
ஜன்ஸி கபூர் - 21.09.2020
மனதை வருடுகின்ற
---- மனிதநேயப் பேரொளியில்/
மகிழுமே உறவுகள்
---- மலருமே கூட்டுறவும்/
உள்ளத்தின் அன்பே
---- உணர்வின் மொழியாம்/
உயிரில் நனைந்தே
---- உரித்திடும் துயரத்தை/
இளகிய இதயத்தில்
---- இரங்கிடும் துன்பத்தில்/
இசைந்திடும் வாழ்க்கையே
---- இவ்வுலகத்தின் மேன்மையே/
ஜன்ஸி கபூர் - 21.09.2020
