போராட்டம்

  

 போராட்டம் தொடருமே ஆசைகள் படர்கையில்/

வேரோடுமே இன்னலும் நிம்மதியைப் பறித்தே/

நீரோட்டம் வழியும் கண்களும் துடிக்க/

மனதையும் வாட்டு மிந்தப்  போராட்டம்/

ஜன்ஸி கபூர் - 3.12.2020

உலக மீட்பரே உடனே வாரும்

 

வலியின் பிடியில் வருந்தும் மானிடர்/

பலியும் ஆகின்றார் படரும் நுண்தீதால்/

இடரும் நீங்கியே இன்பம் கிடைத்திட/

உடனே வாரீர் உலக மீட்போரே/

கலியது நீக்கிடும் கருணையோரே/

வலிமை வாழ்வும் வனப்பாக வாரீரே/

ஜன்ஸி கபூர் - 17.12.2020

 

மார்கழியின் மாக்கோலம்

 

மெல்லிய பனித்தூறல் மேனி வருடுகையில்/

புள்ளிகளும் விரல் தொடுகின்றன பூரிப்பினில்/

மார்கழியின் மாக்கோலம் வாசலிலே பூக்கும்போது/

விடிகாலைப் பொழுதும் புலர்கின்றதே மங்கலத்துடன்/

பண்பாட்டின் கண்ணாடியாக மிளிர்கின்றதே கைவண்ணமும்/

 

ஜன்ஸி கபூர் - 17.12.2020

ஓவ்வொரு பூக்களுமே

 

ஓவ்வொரு பூக்களும் மகிழ்கின்றதே தினமும்/

உரமாகிப் போகின்ற வாழ்வைத்தான் எண்ணி/

நீராடும் மேகங்களும் மோதுகின்றதே ஒளியோடு/

சீராகப் பொழிந்திடவே இலட்சியம் கொள்ளுதே/

இருள் தொடாமல் விடியல் பிறந்திடுமோ/

இடர் காணாமல் வாழ்வும் தொடர்ந்திடுமோ/

பாறையாக மாறு தடைகளும் தூளாக/

போராட்டம் காணாத வாழ்வுமுண்டோ பாரினிலே/

உள்ளத்தின் வலிமையை உணர்ந்திடு நீயும்/

உடைந்திடும் கண்ணாடியல்ல உணர்வுகளின் கூடது/

விழி மூடினால் காட்சிகள் தோன்றுமோ/

வலிக்குள்ளே வழியுமுண்டு பாதையைத் தேடிடு/

மிதிபடும் மண்ணிலேயே தங்கமும் தலைகாட்டும்/

சதியை உடைத்திடும் சாவியுண்டு சிந்தனைக்குள்/

நதிக்குள் அணையிட்டால் பயிரும் நனைந்திடுமோ/

விதியையும் மதியாலே வென்றிடும் விதையாகு/

வெற்றுப் பாறைக்குள்ளும் வீழ்கின்ற விதைகள்/

முளைப்பதுண்டு இயற்கையின் இதமான அணைப்பினில்/

முடிவு என்பதே முதலின் புள்ளியே/

முயற்சியின் பலனில் முன்னேற்றம் கரங்களிலேயே/

சிரித்திடு துக்கமும் தொலைவினில் பறந்திட/

விரித்திடு சிறகினை வானும் அருகாக/

தரித்திடு இலட்சியத்துள் தடங்கள் வசந்தமாக/

உரித்திடு துக்கத்தை சுமைகள் தூரமாக/

நிலையற்ற வாழ்வில் கலைகள் பூக்கையில்/

விலையற்ற வாசமாக நிம்மதியும் பூக்குமே/

மனமே தேடு உனக்குள் உன்னையே/

மலையும் மடிதருமே உன்னால் சிலையாக/

ஜன்ஸி கபூர் - 22.12.2020