மனசேன் முரண்டு பிடிக்கிறது
தனிமையை....
பிறர் ப்ரியங்களை பிய்த்தெறிகிறது
நியாயங்கள் தோற்கும்போதெல்லாம்...
போரிட்ட சொற்கள் ..இப்போ
மெளனத்தில் உடைந்து கிடக்கின்றது...
யதார்த்த அழுக்குகளை
சுத்திகரிக்க பழகிக் கொண்ட வாழ்க்கையின் பக்குவம்....
உன்னை நானும்....
என்னை நீயும் .......
உயிரில் நனைத்த அங்கீகாரம்
தினமும் முத்தமாய் பரவிச் செல்கின்றது
நம்முள்!
இப்பொழுதெல்லாம்
நம் இதழ்கள்..........
முத்தத்தின் சிலிர்ப்பில்தானே
மூச்சு விடுகின்றது!
மயிலிறகை உன் விரலில் நசித்து
என் கன்னம் கிள்ளும் உன் குறும்பில்
கிறங்கிக் கிடக்கின்றது என் ஆயுள்!
நம் சந்திப்பின் ஒவ்வொரு புள்ளியிலும்
நீ எனக்குள் பதியமிடும்............
உன் முத்தத் தடங்கள் நொறுங்கிக் கிடக்கின்றதே
பனித் துளிகளை அணைத்தபடி!
இப்பொழுதெல்லாம் ............
நாம் மௌனித்துக்கிடக்கின்றோம்!
நமக்குள்...........
முத்தங்கள் மட்டுமே பேசிக் கொண்டிருக்கின்றன!
Jancy Caffoor -13.04.2021
விழியில் நாணங் கலந்து
கன்னத்தில் மருதாணிச் சாறு நனைத்து
மனசெங்கும் துடிப்பு நிறைத்து
உயிரிலே உன்னைக் கரைத்து
காத்திருந்தேன் கனவுகளுடன்
காதலோடு கசிந்தாய் மெல்ல!!
இளமையின் சுவாரஸியம்
இதயம் எரிக்கும் அக்கினியாக!
சாம்பர் மேட்டில் சரிதமெழுதும்
நிக்கற்றின் வாசிகள் இவர்கள்!
மூச்சுக்குள் விஷம் தடவும்
மூடர்கள் இவர்கள்!
உதடேந்தும் புகையினால்
உருக்குலைந்த ஆத்மாக்கள்!
விண்ணகம் தொடும் மரண வாகனமாய்
விசிலடிக்கும் சிகரெட் காத்திருக்கின்றது
புகைப்போர் அருகாமையில்.....
நகைக்காதீர்!
புன்னகை மறந்தோரே!
Jancy Caffoor - 13.04.2021
