முயற்சியின் பலனால் முன்னேற்றம் வாழ்விலே/
முடிச்சினை அவிழ்த்தே முழங்கிடும் விவேகம்/
முகங்காட்டும் வெற்றியில் முடியாதது ஒன்றுமில்லையே/
இரும்புத் திரையும் இளகுமே பயிற்சியில்/
இதயத்தின் வலிமையில் இன்பமே செயல்களில்/
இடரினைத் தடுத்தால் இலக்கும் அருகிலேயே/
ஜன்ஸி கபூர்
பஞ்சுக் கன்னமதை அன்பால் வருடி/
பிஞ்சு விரல்களுக்குள் தாய்மையைக் கோர்த்தே/
நெஞ்சத் தூளியாக தன்னையே மாற்றி
நெற்றியில் இதழ்களால் முத்தங்களை வரைந்தே/
அன்னையும் இசைத்திடும் பாசத் தாலாட்டில்
அன்பின் சுவைதனை குழந்தையும் அறிந்திடுமே
ஜன்ஸி கபூர்
எல்லைக் குறுக்கீடின்றியே எழுகின்ற சிறகுகளெல்லாம்/
தழுவுகின்றனவே தம்மினங்களை தடமாகின்றதே சரணாலயமும்/
வேற்றுமையை வேரறுக்கும் வேடந்தாங்கல் பறவையொலி/
படர்கின்றதே சங்கீதமாகப் பரவசம் மனங்களுக்கே/
அடர்ந்த மரக்கிளைகளில் அழகான உயிர்ப்புக்கள்/
அழகான அன்பினை அகிலமும் ரசிக்குமே/
ஜன்ஸி கபூர்
