பள்ளிக்கூட வாழ்வின் ஒவ்வோர் உணர்வும் இனிமையானவைதான். காலத்தால் மறக்கப்பட முடியாதவை. நரை கண்டாலும் கரை காணா இன்பங்களின் தொகுப்புகள் அவை. ஒத்த வயது நட்பினர்களுடன் மகிழும் அந்த கணங்களில் நம் வயதும் பாதி குறைந்து விடுகிறது. எனது பள்ளி தோழிகளையும் பல வருடங்களின் பின்னர் சந்திக்கும் வாய்ப்பு கிடைத்தது. புத்தகங்களை சுமந்த கரங்கள் இன்று குடும்பங்களை சுமந்தவாறு அந்த நட்பினர்களின் களமாகிய வாட்சப் குழுவின் ஆறு மாத நிறைவுக்கான எனது கவிதை
J/86......
நல்ல நட்புகளின் உச்சரிப்பு நீ
அழகிய சொற்கள் பிசைந்த பூக்கோலம நீ்!
.
இங்கு அன்பேற்றங்களின் அலைவில்
மனங்கள் புல்லரிக்கும்.
மங்கலமாய் நட்பும் உயிர்க்கும் !.
.
பாசங்களும் பரிவுகளும் சங்கமிக்கும்
இந்த மையப்புள்ளியில்
தேசம் கடந்து இதயங்கள் விரியும் இதமாய்!.
.
கேலிகளின் கலகலப்பில் பூக்கும்
இந்த மலர் கூடத்தில்
புகைப்படங்களைப் பரிமாற்றி
புளாங்கிதமடையும் கொடையாளிகள் நாம்!.
.
உணர்வுகளின் ரேகைகளை
நளினமாய் வரையும் இந்த கலாசாலையின்
தொடு புள்ளியின் தொடக்கப் புள்ளியாய்
வயது ஆறு மாதம்!
.
மதம் கடந்து மூச்சொலிக்குள் நேசம் கிளறும்
இந்த அன்பு சாலையில்
சங்கமிக்கும் எமக்கு
தினம் ஆனந்தமே!
.
உந்தன் பயணப்பாதையில்
முட்களாய் முகம் திறந்த தடை உடைத்து
முல்லையாய் விரிந்த J/86!
நல்ல நட்புகளை தினமும் என்னுள் அடையாளப்படுத்தும் பொக்கிஷம் உன்னைவாழ்த்துகிறேன் வாழி நீ!
- Jancy Caffoor -
06.05.2019
