அஃதாண்டு அவள் செய்தது

சோலைத் தென்றலில் சிறகுவிரித்த வாலைக்குமரியவள்/

காளையைக் கண்டதுமே காதலும் மலர்ந்ததுவே/  

கூர் விழிகளிற் இசைந்திட்ட காதலும்/

கூடியே களித்ததே மகிழ்வின் பேரொளியாய்/

கசிந்த காதலும் கனிந்ததே திருமணத்தில்/

கன்னி மனதை காளையும் வென்றான்/

இணைந்தனரே இன்பவெளியிற் இதயங்களும் சிரித்திடவே/

இல்வாழ்வின் அமுதத்தில் தித்தித்தனர் ஆருயிராய்/

மன்னவனும் பொருளீட்ட பிரிவதாய் சொன்னதும்/

மங்கையவள் துடித்திட்டாள் பிரிவின் வலியுணர்ந்து/

தொலைவிலவர் நீங்கிடின் மெலிந்திடுமே தோள்களும்/

வளையலுமே நழுவிடுமே கரங்கள் விட்டே/

உளத்துயர் தாங்கிடாதே உயிரதுவும் பிரிந்திடுமே/

உறவின் திசையினில் பாதங்களும் போகுமே/

உன்னதக் காதலின் குறிப்புணர்ந்த தோழியும்/

உரைத்தாலே தலைவனுக்கே தலைவியின் மனதினையே/

ஜன்ஸி கபூர் - 05.08.2020

யாழ்ப்பாணம் 

 

காதோடு குழையாட

காதோடு குழையாட கன்னமெல்லாம் நாணமாட/

கருத்தோடு இசைந்த புள்ள கண்ணம்மா/

கரும்புக் காட்டுப் பக்கம் தான் வாறியா/

அரும்பியிருக்கிற ஆசகளத்தான் பேசிடலாம் கண்ணால/

ஒத்தயடிப் பாதையில ஒய்யாரமாய் நடக்கையில/

சித்தமெல்லாம் ஒன்மேலதான் சாயுதடி செல்லம்மா/ 

சிக்கினேனடி உன்னிடம்தான் விக்கலெடுக்குது நெனவுக்குள்ள/ 

பக்கம் வந்து பேசடி மாதுளம்பிஞ்சே/ 

தாமரை மொட்டெடுத்த சாற்றிலதான் ஒடம்பிருக்கு/

சாமத்து கோழிபோல  நீளுறே கனவுக்குள்ள/

பூமரத்து வாசம் நெஞ்சுக்குள்ள பேசும்/

பூமாதேவியும் பூரிப்பா ஒன்னப்பாத்து மனசுக்குள்ள/ 

சொப்பனச் சொக்கியே மச்சான மயக்கித்தானே/

சொல்லாமப் போறியே ஆத்துப்பக்கம் தனித்துதான்/

மல்லிகை வாசம் மனசோட பேச/

அல்லியே வாறேன்டி உந்தன் பின்னாடி/

ஆக்கத்தான் பொறுத்திட்டேனே ஆறத்தான் பொறுக்கலயே/

ஏக்கங்கள் வெட்டுதடி எந்தன் நெஞ்சுக்குள்ள/

ஏழு மணிக்குள் வந்திடடி ஏலத்தோப்புக்குள்ள/

விழுந்திட்ட மனச இழுக்கிற ஒனக்குள்/

நீயும் வாழும் நெஞ்சக்கூடு தனியாத்தாயிருக்கு/

சாஞ்சிட தோளத் தந்திடடி சொகமாயிருக்கும்/

கொஞ்சிடும் குழைதான் மிஞ்சிடுது அழகில்/

வஞ்சியே வாக்கப்படு தவிப்படங்கும் நெஞ்சுக்குள்ள/

ஜன்ஸி கபூர் 

 

• 
  

கவிபாடும் காந்தப்பூக்கள்

காற்றும் துளைத்திட துள்ளிடும் அலைகளெல்லாம்/

ஒற்றிடுமே மணலைத்தான் ஈரத்தையும் பிழிந்தே/

கற்றையாய் புன்னகைக் கொத்துக்கள் வதனமேற/

ஊற்றாறாய் நீந்துகின்ற நீரோடைகளாய் சிறார்களிங்கே/

வெண் மணலைக் கோர்த்தெடுக்கும் மொட்டுக்களால்/

நண்டூறும் குழிகளும் நிரம்பிடுமே குறும்புகளால்/

கண்களுக்குள் வாசப்பூக்கள் நளினத்துடன் விரிந்திடவே/

எண்ணச் சிறகின் தொடுகையில் உயிர்த்திடுமே ஆகாயம்தான்/

உருள்கின்ற சோகிகள் உதிர்க்கின்ற குறுநகையில்/

வருமே யின்பமும் நுரைக்கும் கடற்பூக்கள் பிசைந்தே/

விரும்பியே ரசித்திடலாம் மொட்டுக்களின் தாளவோட்டம்/

கரும்புச்சாற்றிலும் நனையுமிந்த அலைத் தோப்பு/

உணர்வுடன் கலக்கும் நட்பின் பேரானந்தம்/

திணறுமே ஒய்யாரக் கனவின் தித்திப்பிலே/

உணரும் உள்ளங்களும் இளமையின் சுகந்தங்களை/

கணந்தோறும் அனுபவித்திடும் வசந்தப் பேருவைகையில்/

தரை தட்டுமிந்த மனிதப் படகினில்/

கரையும்தானேது.../

கறையில்லா அன்பின் களிப்புடனே இடர்/

திரை நீக்கி மலருமிந்த

கவிபாடும் காந்தப்பூக்கள்/

ஜன்ஸி கபூர் 

  

நல்லாட்சி

வாக்குரிமை உரிமை காக்கும் மக்களாட்சியில்/

ஆக்கிடும் அபிவிருத்தியை வாழ்வின் நலன்களுடன்/

போக்கிடும் ஊழலையும் பொல்லாத ஆட்சியையும்/

வாக்கிடுகையில் சிந்தித்தால் நல்லாட்சியும் நமதாகுமே/

ஜன்ஸி கபூர்