அஃதாண்டு அவள் செய்தது

சோலைத் தென்றலில் சிறகுவிரித்த வாலைக்குமரியவள்/

காளையைக் கண்டதுமே காதலும் மலர்ந்ததுவே/  

கூர் விழிகளிற் இசைந்திட்ட காதலும்/

கூடியே களித்ததே மகிழ்வின் பேரொளியாய்/

கசிந்த காதலும் கனிந்ததே திருமணத்தில்/

கன்னி மனதை காளையும் வென்றான்/

இணைந்தனரே இன்பவெளியிற் இதயங்களும் சிரித்திடவே/

இல்வாழ்வின் அமுதத்தில் தித்தித்தனர் ஆருயிராய்/

மன்னவனும் பொருளீட்ட பிரிவதாய் சொன்னதும்/

மங்கையவள் துடித்திட்டாள் பிரிவின் வலியுணர்ந்து/

தொலைவிலவர் நீங்கிடின் மெலிந்திடுமே தோள்களும்/

வளையலுமே நழுவிடுமே கரங்கள் விட்டே/

உளத்துயர் தாங்கிடாதே உயிரதுவும் பிரிந்திடுமே/

உறவின் திசையினில் பாதங்களும் போகுமே/

உன்னதக் காதலின் குறிப்புணர்ந்த தோழியும்/

உரைத்தாலே தலைவனுக்கே தலைவியின் மனதினையே/

ஜன்ஸி கபூர் - 05.08.2020

யாழ்ப்பாணம்