கல்லறையும் கார்த்திகையும் கல்நெஞ்சைக் கரைத்திடுமா

 1.கல்லறையும் கார்த்திகையும் கல்நெஞ்சைக் கரைத்திடுமா

---------------------------------------------------------------------------------------------

உதிரம் துளைத்தே உமிழ்ந்த சன்னங்கள்/

உயிரினை அறுத்தே உயிர்ப்பித்ததோ கண்ணீரினை/

புதைகுழிகளில் வீழ்ந்தே துளிர்க்கும் வீரம்/

வெறும் கதையல்ல வென்றெடுக்கும் சரித்திரம்/

இதயம் சுமந்த இலட்சிய வேட்கையில்/

இன்னுயிர் துறந்தே மீளாத்துயில் கொள்ளும்/

கல்லறைப் பூக்களின் வாசம் கரைத்திடுமோ/

கல்நெஞ்சாகி மனிதம் மறந்த மாக்களை/

விதைத்த கனவுகளைச் சிதைத்த போரால்/

விழுந்த விதைகளும் மீள எழுகையில்/

மயானத்தில் ஒளிரும் கார்த்திகை தீபங்கள்/

இருட்டின் நிழலுக்குள்ளும் விடியலைத் தேடுகின்றனவே/

ஜன்ஸி கபூர் - 22.11.2020