காலத்தை வென்ற கவியரசர் கண்ணதாசன்

 

காவியத் தாய் கண்டெடுத்த கண்ணதாசன்/

கவியுலகம் சூடிக் கொண்ட மணிமகுடமே/

கரையுமே கற்களும் வரிச் சுவையினில்/

கவிப் புலமைக்குள் வியக்குமே தமிழுமே/

எட்டையும் தாண்டாப் பள்ளிப் படிப்பால்/

தீட்டிய திரையிசைப் பாடல்கள் பொக்கிசங்களே/

ஏட்டினைத் தழுவிய பொன் எழுத்துக்கள்/

வெட்டவெளிக்குள் ஒலிக்கின்றதே சங்கீத மொழியாகி/

சிறுகூடல்பட்டி முத்தையா சிந்தைக்குள் கவியரசானார்/

செதுக்கிய சிற்றிலக்கியங்களும் காப்பியங்களும் நூல்களும்/

இலக்கியத் தடத்தின் அற்புதச் சுவடுகளாம்/

உலகமும் ரசிக்கின்றதே உன்னத படைப்புக்களை/ 

வாழ்வியல் உணர்வினை வடித்த இலக்கியங்கள்/

வாழ்கின்றன நம்முடன் அனுபவங்களாகப் பிறந்தே/

நரைத்திடாத் தமிழ்ச் செழுமை உயிர்ப்பினில்/

வரைகின்றதே காலமும் அழியாக் கவிஞனென்று/

 

ஜன்ஸி கபூர் - 9.12.2020