நல்லாட்சி

வாக்குரிமை உரிமை காக்கும் மக்களாட்சியில்/

ஆக்கிடும் அபிவிருத்தியை வாழ்வின் நலன்களுடன்/

போக்கிடும் ஊழலையும் பொல்லாத ஆட்சியையும்/

வாக்கிடுகையில் சிந்தித்தால் நல்லாட்சியும் நமதாகுமே/

ஜன்ஸி கபூர்  

 

உத்தமமே காதலின் உன்னதமே

விழிகளின் ஈர்ப்பினில் விழுமியக் காதலும்/

விழுந்ததே இதயத்தினில் இன்பமும் இசைந்திட/

அழகிய உணர்வும் உயிருடன் பிசையவே/

ஆனந்த வரமாய் என்னுள் உவந்தாயே/

காதலின் சுகம்தான் காற்றினில் நனைகையில்/

மோதியதே உன் குரலும் இசையாக/

கனவுக்குள்ளும் உதிரு முந்தன் புன்னகைக்குள்ளே/

கரைகிறதே எந்தன் வாலிப வயசும்தான்/

பெண்ணழகியே நொறுங்கினேனே உந்தன் கூர்விழியில்/

எண்ணத்திலும் பூசி நின்றேன் உன்னைத்தானே/

வண்ணமலரே மலர்கிறாயே நெஞ்சுக்குள்ளே இதமாக/

கண்டெடுத்தேன் நிலவுக்குள் பிரிந்திடாத வரமுன்னை/

அமுதச் சிற்பமே பிழிகின்றாய் மெல்லிசையே/

அழைக்கின்றாய் எந்தன் பெயரும் கற்கண்டாக/

பழகிய நொடியெல்லாம் பாசமாய் உறைந்திட/

பவளக்கொடியே பாருமே போற்றுமே உனையே/

விழிகள் நான்கும் வீழ்ந்திட்ட காதலில்தான்/

எழுந்திடுமே ஓருயிராய் அன்பும் சிறகடித்தே/

விழுதாய் பற்றிடும் உந்தன் கரங்களும்/

தழுவுதடி என்னை உத்தமக் காதலினால்/

உயிரோடு இசைந்திட்ட உன்னத காதலே/

உணர்வுக்குள் பிசைவேனே உத்தமி உனையே/

உன்னைத் தொடரும் எந்தன் நிழலுக்குள்ளும்/

உத்தமமுண்டு அது உனக்குத்தானே சொந்தமென்று/

ஜன்ஸி கபூர் - 05.08.2020

யாழ்ப்பாணம்

வான வீதியில் பறக்க வா

தனிமைச் சிறை நீள்கின்றதே தவிப்புடன்/

தாவும் நொடியெல்லாம் பூக்கின்றதே அக்கினியாய்/

இனிமைத் துடிப்பெல்லாம் சிதைகின்ற இதயத்தில்/

இன்னலும் உருகிடுதே விழிநீர் வெம்மைக்குள்/

கன்னச் சிவப்பும் குறுநகை விழியசைவும்/

என்னைத் துளைக்குதடி காதலும் சுகமாக/

இன்பத்தின் வாசலாய் வானம்தான் நமக்கிருக்கே/

அன்றிலே உந்தன் சிறகாய் நானே/

ஜன்ஸி கபூர் - 05.08.2020

 

 

தாயே நானும் உனக்கே

சேரி சுமக்கும் வாழ்க்கை நமக்குள்

சோகம் ஏனோ சோதரி யுன்னில் 

சோர்ந்திடாதே தாயே  நானும் உனக்கே

---------------------------------------------------------

சேரிக்குள்ளும் கூர்மை யன்பு 

வாரியணைக்கும் நெஞ்சங்களும் பிணைய

கறையுமுண்டோ வறுமைக்கிங்கு  

ஜன்ஸி கபூர்

•  

  •