வரங்களாய் பெற்றிட்ட வனங்கள் யாவுமே/
மரங்களைக் காத்தே மண்வளம் உயர்த்திடும்/
இறந்திட்ட இலைகளும் இயற்கையைக் காத்திட/
பறந்திடும் மாசும் பசுமையும் உயிர்க்கும்; /
சுற்றுச் சூழலும் சுகமுறும்/
பெற்றிடும் நன்மை பெருமிதமும் நமக்கே /
ஜன்ஸி கபூர்
---------------------------------------------------------------------
சுற்றுச் சூழல் சுத்தம் பேணுவோம்/
தொற்றும் மாசும் தொற்றிடா திருக்க/
வரங்கள் நமக்கு வந்தூற்றும் மழை/
மரங்கள் வளர்த்து மண்ணைக் காப்போம்/
சுற்றம் வாழும் சுகமாக/
பற்றுடன் இசைந்து பசுமை வளர்ப்போமே/
போராடிப் பெற்றோம் பேரின்பம் கிட்ட/
பாராட்டும் மனிதமே பாரினில் நம்மை/
முதலாளித்துவம் விரட்டி முன்னேற்றம் கண்டோம்/
மதங்கள் கடந்தும் மாண்புடன் வாழ்கிறோம்/
அகிம்சை வழியிலான அறமோங்க/
அகிலத்தில் வாழ்ந்திடலாம் அன்பின் துணையுடனே/
ஜன்ஸி கபூர்
ஆண் அவசரத்தால் பெண் அவலம்/
அரங்கேறிய மகாபாரத்தின் மாந்தராய் சிகாண்டினி/
முற்பிறப்பில் காசி மகள் அம்பாவாம்/
சுகமிழக்கிறாள் பீஷ்மரால் மணமேடை காணாமலே/
மறுபிறப்பெடுத்தாள் பாஞ்சால வம்சத்து சிகண்டினியாய்/
மலைத்திடும் வீர மகனாய் வளர்க்கப்பட்டாள்/
வெஞ்சினத்துள் பீஷ்மரை வீழ்த்தியே நின்றாள்/
அஞ்சிடாத பாண்டவர் அணிக்கும் துணையுமானாள்/
பெண்மகள் ஆணுருவில் மணந்தாள் மாதை/
பொருத்தமில்லாத உறவெனவே பிரிந்திட்டாள் மனையாள்/
வருந்திய மனதுடன் இறந்திடத் துடிக்கையில்/
வாழ்க்கையும் மாறியதுவே ஆணாகவே மீண்டாள்/
திரும்பினான் சிகாண்டியாய் இல்லறத்திலும் இணைந்தான்/
விரும்பிய வாழ்வுக்குள்ளே சந்ததிகளும் கண்டான்/
குருசேத்திரப் போரும் நீண்டது பகைமையினில்/
எதிர்த் துருவங்களில் சிகாண்டியும் பீஷ்மரும்/
உரைத்திட்டான் சிகாண்டியும் பலியை நினைவுறுத்தி/
உணர்ந்திட்டார் பீஷ்மரும் இழுக்கே போரிடுதலென/
உருமாற்ற இரகஸியம்தனை அறிந்த அருச்சுனனும்/
சிகண்டியை முன்னிருத்தி பீஷ்மரையும் வீழ்த்தினானே/
ஜன்ஸி கபூர் - 13.08.2020
சுதந்திரக் காற்றே சுவாசத்துள் நீ/
சுற்றங்களின் அணைவில் மணக்கிறதே விடுதலையும்/
சுதந்திர உணர்வின் விருட்சத்தில் நாடும்/
சுபீட்சமாக வாழ நனையுது அபிவிருத்தியில்/
ஏகாதிபத்திய தலைமையை எதிர்த்திட்ட தியாகமே/
ஏந்துகிறதே சுடரினை எதிர்காலமே ஒளியில்/
இதயங்கள் வருந்திட சிறைக்குள்ளும் பூத்தனர்/
இன்னல்கள் விளைந்திட பெற்றோமே உரிமைகள்/
உதிரங்கள் ஊற்றி உயிர்களையும் நட்டி/
உணர்ச்சிகளின் எழுச்சியில் உருவானதே விடுதலை/
பிணக்குகள் மறந்து இன்முகம் அணிந்து/
காத்திடுவோம் நம் வளமான பூமியே/
ஒற்றுமையில் உழைக்கும் உற்சாகக் கனவு/
ஓயாது மலர்கையில் விழிப்புணர்வும் மலருமே/
வெள்ளையரின் கோட்டையை கைப்பிடித்த சாதனையே/
உள்ளத்திலும் ஒலித்திடும் சரித்திரத்திலும் பதிந்துவிடும்/
ஜன்ஸி கபூர் - 05.08.2020
