மழலை இன்பம்

மழலை மொழி செவியின் நாதமே/

அழகுச் சொல்லில் தமிழும் தித்திக்குமே/

பழகும் மாந்தரும் மகிழ்வார் கொஞ்சி/

தவழுமே காற்றினில் மனமும் ரசித்திட/

ஜன்ஸி கபூர் - 31.08.2020

நாவினால் சுடாதே

நெஞ்சத்து உணர்வே உதிரும் வார்த்தைகளாய்

வஞ்சனை சொல்லாடல் வதைக்குமே நமக்கே

சினமும் சுட்டெரித்தால் விழிநீர் பொங்கிடுமே

அனலின் வடுவாகுமே பண்பில்லாச் சொற்களே

தினம் பேசிடலாம் பயன் அறிந்தே

ஆறாதே நாப் புண் வலிதான்

ஜன்ஸி கபூர் - 31.08.2020

ஓவியங்கள் ஒளிமயமாகுமா

 

இயற்கை செழிப்பினை விழிகளும் ஏந்திட

இதயமும் மகிழுதே பசுமையின் ஆட்சியில்

விளைந்திட்ட வயலின் உழைப்பெல்லாம் முத்தாக

விருப்பினில் வேளான்மை தருகின்றதே மனநிறைவை

உரல் இடிக்கையில் உளத்திற்கும் ஆரோக்கியமே

உடல் உழைப்பினில் மாசுக்கள் இல்லையே

கூட்டுறவின் குதூகலம் கிராமத்தின் எழிலாகும்

கூடிடுமா ஒளிமயமாக்கம் ஓவியம்போல் நிசத்தினிலே

ஜன்ஸி கபூர் - 31.08.2020

 

 

நெகிழிப் பூதம்

மாற்றம் வேண்டுமே நெகிழிப் பாவனையில்

சீற்றத்தினில் இயற்கையும் சிக்காமல் காக்கவே

காற்றினில் நழுவுகின்ற மாசினை சுவாசிக்கையில்

பற்றுதே மரணமும் பறக்குதே ஆரோக்கியமும்

ஏற்றது நமக்கு உக்கும் துணிப்பைகளே

கற்றிடுவோம் பண்பாட்டை காத்திடலாம் நானிலத்தை 

ஜன்ஸி கபூர் - 31.08.2020