பண்படும் வாழ்க்கை

 

எழுத்தறிவின் பண்படுத்தலில் நம் வாழ்வும்/

வளர்த்திடுமே அறிவையும் தகுதியையும் என்னாளும்/

கருத்தையும் சுதந்திரமாக முன்வைத்திடுமே எழுத்தும்/

வருந்தும் மானிடத்தையும் காத்திடுமே ஆயுதமாக/

ஜன்ஸி கபூர் 

என் தமிழே

 என் தமிழே

----------------------

சங்கே முழங்காக முழங்குகின்ற நற்றமிழே/

சிங்கத் தமிழனின் மூச்சே தாய்மொழிக்காக/ 

மங்காத் தமிழுக்கே ஆற்றிடும் தொண்டுதனில்/

தேங்குதே இன்பமும் மனதினை நிறைத்தே/

அமிழ்தும் தமிழைப் படித்தேன் தினமும்/

அற்புத இலக்கியத்தின் வரிகளைச் சுவைக்கையில்/

சொற்பத அழகில் சொருகின இன்பமும்/ 

கற்பதும் சுவைத்திட உணர்வுக்குள்ளும் அதிர்வே/ 

என் தமிழே ஆழ்மனதின் முரசே/

செந்தமிழின் புத்துணர்வால் விளைந்திட்ட காவியங்களில்/

சிந்திய மொழிப் புலமையின் அற்புதத்தினில்/ 

சந்திரப் பேரொளியும் நனைத்ததே மனதினை/ 

தமிழின் உயர்ச்சியில் மலையெனவே அறிவும்/

கமழ்கின்றதே அறமும் புதுப் பொலிவாகி/ 

தழுவுகின்றேனே தினமும் தமிழையே வாழ்வாக/

வாழ்கின்றேனே முத்தமிழையும் பற்றும் நற்குடியாக/  

ஜன்ஸி கபூர் - 7.09.2020

கழனிகளின் இதயம்

கிராமம் உயிர்க்கின்றது பண்பாடுகளின் சுவடாய்

இயற்கை எழிலும் கொஞ்சிடுதே ஆனந்தமாக

கழனிகளின் இதயமாகி பசுமையாகப் பூக்கையில்

களித்திடுமே மனமும் மாசில்லாத வாழ்வுக்குள்ளே

ஜன்ஸி கபூர்  

நீ வருவாயென

நீ வருவாயென காத்திருக்கிறதே மனதும்//

நீங்காத நினைவுகளால் போர்க்கின்றதே சுகமும்//

தூங்காமல் பூக்கின்றதே விழிகளும் தினமும்// 

ஏங்கிடும் மனதுக்குள் உலாவுதே கனவும்//

முட்படுக்கைத் தலையணையும் மோகனப் பஞ்சனையாய்//

ஆட்கொள்ளுமே உன் மடி சாய்கையிலே//

வெட்கத்தை ரசித்திடும் உந்தன் புன்னகையைத்//

தொட்டு அணைக்கின்றேனே நிதமும் என்னுள்ளே//

ஜன்ஸி கபூர்  

• 
  

  
  
•