என் தமிழே

 என் தமிழே

----------------------

சங்கே முழங்காக முழங்குகின்ற நற்றமிழே/

சிங்கத் தமிழனின் மூச்சே தாய்மொழிக்காக/ 

மங்காத் தமிழுக்கே ஆற்றிடும் தொண்டுதனில்/

தேங்குதே இன்பமும் மனதினை நிறைத்தே/

அமிழ்தும் தமிழைப் படித்தேன் தினமும்/

அற்புத இலக்கியத்தின் வரிகளைச் சுவைக்கையில்/

சொற்பத அழகில் சொருகின இன்பமும்/ 

கற்பதும் சுவைத்திட உணர்வுக்குள்ளும் அதிர்வே/ 

என் தமிழே ஆழ்மனதின் முரசே/

செந்தமிழின் புத்துணர்வால் விளைந்திட்ட காவியங்களில்/

சிந்திய மொழிப் புலமையின் அற்புதத்தினில்/ 

சந்திரப் பேரொளியும் நனைத்ததே மனதினை/ 

தமிழின் உயர்ச்சியில் மலையெனவே அறிவும்/

கமழ்கின்றதே அறமும் புதுப் பொலிவாகி/ 

தழுவுகின்றேனே தினமும் தமிழையே வாழ்வாக/

வாழ்கின்றேனே முத்தமிழையும் பற்றும் நற்குடியாக/  

ஜன்ஸி கபூர் - 7.09.2020