உறங்காத உண்மைகள்

முழுமதி முற்றத்திலே பறந்திடும் கவிகள்/

வழுக் காணா அற்புதப் படைப்புக்களே/

தழுவி யணைக்கையில் மணக்கும் செந்தமிழே/

முழுமையும் பெற்றதே சிறந்த குழுமமாய்/

ஜன்ஸி கபூர்  

நீ நான் குடை மற்றும் காதல்

 

காதல்!

நமக்குள் இளைப்பாறிக் கொண்டிருக்கிறது!

காற்றின் விரல்களாய்

மாறிக் கொண்டிருக்கிறாய் நீயும்!

நானோ

வெட்கத்தில் வெடிக்கிறேன் 

இறுக்கிக் கொள்கிறதே மழையும்

உந்தன் குறும்பாய் 

நானோ  

கரைகிறேன் ஈரத்துளிகளின் சுவைதனில்!

வெட்டும் மின்னல்கள் தொட்டிடுமோ என்னையுமே 

கட்டியணைக்கிறாய் உந்தன் காதலால்

வானும் முறைக்க!

தூரத்திலே  

தூங்கிடா கார்மேகங்கள் 

மௌனிக்கிறதே நம் மோனக் காதல் கண்டே!

உந்தன் கரங்களும் 

என்னுள் காதலைப் பின்னிடுகையில்

மின்னலாய் வெடித்தே ரசித்திடும்!

எந்தன் நெற்றி முத்துக்களை உடைக்கும்

உந்தன் பார்வை கண்டே 

சிறகு விரிக்கும் வண்ணக் குடையும்

உறவாகி எனைத் தழுவும் உனைப் போல!

அடடா 

இருளை நசித்தே 

மெல்லிய மேகத் துளிகள்

நமை வாசிக்கத் தொடங்கி விட்டனவே ஆவலாய்!

நாமோ 

யாத்துக் கொண்டிருக்கிறோம்

புதுக் காதல் இலக்கணத்தை!

நீ_நான்_குடை_மற்றும்_காதல்

ஜன்ஸி கபூர்  

 

  

 

 

 

வாழ்க பல்லாண்டு

நிலவொளி அசைவினில் 

நித்திலமே அழகே/

நிமிடங்கள் கரைவதோ 

நினைவினில் எழாதே/

விழிகளும் துடிக்குதே 

விழுந்திட உன்னில்/ 

வியப்பின் பேரொளியாய் 

விளைந்திடும் கவிகளும்/

உலாவிடும் பாரினில் 

உன்னதப் படைப்புக்களாய்/

உவகையுடன் வாழ்த்துகிறேன் 

வாழ்க பல்லாண்டு/

ஜன்ஸி கபூர்  - 31.07.2020

 

•  

அற்புத வரமாய் நீ

 

இறைவனாலும்  பெறமுடியாத அற்புத வரம்
கருவறை சுமந்திடும் மழலையின் உயிர்ப்பே

துருவப் பனியில் செதுக்கிய சிற்பமே
திருமணப் பொக்கிசத்தில் உயிர்த்திட்ட நிலவே

கருவிலே உதைக்கும்  குறும்பினைப் பிசைந்தே
அருமைச் செல்வமாய் உயிர்த்தாய் உயிரினில்

திருமுக எழிலினில் விழிகளும் அழகே
இருளிலும் உந்தன் மழலையும் அமுதே

கருவாயி கண்டெடுத்த அற்புத வைரமே
திருநாள்தான் நீயெனக்கே வந்திட்டாய் அருகே

ஜன்ஸி கபூர்