ஏர் பிடித்து உழுவோம் நாமே/
சுற்றமும் உயிர்க்கும் இயற்கை வாசத்தினில்/ஏற்றம் காணும் வாழ்வோடு இணைவோமே/
பற்றுமே விளைவும் வாழ்வையும் உயர்த்தி/
கழனிக்குள் புதைத்திடும் நெல்லின் சுவாசத்தினில்/
தழுவுகின்றதே மனமும் மகிழ்வைச் சுமந்து/
உழுதிடும் நிலத்தினில் பயிர்களின் சிரிப்பு/
வாழ்ந்திடலாம் தினமும் மண்வாசத்தை நுகர்ந்தே/
கலப்பையின் கலகலப்பில் நாற்றுக்கள் ஆடும்/
கவலையின் துடிப்பும் தென்றலில் கரையும்/
வழிகின்ற வியர்வைக்குள் உழைப்பும் குவியும்/
வரம்பெல்லாம் வரமாய் நெல்மணிகள் விளையும்/
காய்ந்திட்ட மண்ணுக்குள் ஏரினைப் பூட்டி/
கருணை பூமிக்குள் நீரினைப் பாய்ச்சி/
பருவ விதைகளால் உழவும் செய்தே/
விரும்பும் பூமியாய் உலகையே மாற்றுவோம்/
ஜன்ஸி கபூர்
