நீ வருவாயென

மனதின் வலியும் உதைக்கிறதே மலையாகி/

கனவின் வனப்பும் சுற்றுகின்றதே அனலோடு/

நினைவின் ஈர்ப்பும் நீளுகின்றதே உன்னோடு/

வனப்பான வாழ்வும் கிழிகின்றதே சோகங்களாய்/

எட்டுத் திசைகளும் விரித்தனவே சிறகினை/

ஏக்கத் துடிப்பினில் அலைகின்றேன் தினமதில்/

பூத்திருந்த விழிகளும் வியர்க்கின்றனவே கண்ணீரில்/

பார்த்திருக்கும் பாதைக்குள்ளே காணவில்லையே உனையே/

சொத்தாய் கொண்டேனே உனையே உயிருக்குள்/

காத்திருக்கிறதே நெஞ்சும் நீ வருவாயென/

ஜன்ஸி கபூர்