இயற்கை மடியினில் தவழ்கின்ற பூக்களின்
இறகினைக் கொய்திடுவார் இதயம் அற்றோர்
பசுமைக்குள் தீயினை ஊற்றும் மாந்தர்
பறித்திடுவார் மகரந்த உயிர்ப்பினைப் பாரினில்
சூழல் மாசுக்குள் ஊறிடும் மலர்கள்
சூடுதே கண்ணீரை தன் அழிவுக்காக
ஜன்ஸி கபூர் - 02.10.2020
-----------------------------------------------------------------------
2. உறவுகளோடு உரையாடுவோம்
---------------------------------------------------------
இதயத்தின் உணர்வுகள் உதயமாகும் உறவினில்/
இன்பமும் படர்ந்திடும் இன்னலைத் துரத்தியே/
இயந்திர மொழியினில் வேண்டாமே தனிமையும்/
இழைந்தோடித் தழுவட்டும் அன்பான சொல்லாடல்/
பேசிடும் வார்த்தைகள் நீக்குமே பேதத்தை/
பேணுவோம் உறவுகளை மகிழ்ந்திடலாம் உரையாடி/
ஜன்ஸி கபூர் - 07.10.2020
3. வாழ்க்கையைக் கற்றுக் கொடுக்கும் அனுபவம்/
ஜன்ஸி கபூர் - 08.10.2020
---------------------------------------------------------
4. தமிழை அரங்கேற்று தமிழா
----------------------------------------------------
நாவும் மொழிந்திடும் இனிமைத் தமிழை/
நானிலம் போற்ற அரங்கேற்று தமிழா/
சுருங்கிடும் உலகின் உணர்வின் வழியாக/
வருங்காலம் ஏந்தவே செதுக்கிடுவோம் அழகாக/
தாய்மையை மதிக்கும் பண்பாட்டின் சுவடாய்/
வாயும் உதிர்க்கட்டும் செந்தமிழைத் தினமும்/
ஜன்ஸி கபூர் - 08.10.2020
-----------------------------------------------------------------------
5. கனவிலும் கவி பாடு
---------------------------------
கனவிலும் கவி பாடு நிதமும்/
கற்பனைச் சுவையுடன் யதார்த்தமும் பிசைந்தே/
சொற்களை அழகில் கோர்த்தே தினம்/
வடித்திடு கவிதனை வனப்பை ரசித்திடு/
தூரிகை நீயேந்தி துடித்திடும் உணர்வால்/
உயிர்த்திடு உலகமும் விரும்பிச் சுவைத்திட/
ஜன்ஸி கபூர் - 13.10.2020
6. தாயே தெய்வம்
------------------------------
பத்துத் திங்கள் பக்குவம் காத்து/
பண்பான வாழ்வுதனைக் கற்றும் தந்து/
பாசம்தனை தினமும் உறவிலே கோர்த்து/
உயிரினைப் போர்வையாக்கி
உள்ளத்தைத் தொட்டிலாக்கி/
உணர்வுக்குள் வலியினை மெல்ல உறிஞ்சும்/
உன்னத தாயே அன்பின் தெய்வம்/
ஜன்ஸி கபூர் - 15.10.2020
-------------------------------------------------------------
7. வானம் எழுதிய கவிதை
-----------------------------------------
வெம்மையும் கிழித்ததே
.......... தரையினில் கோடுகள்/
வெந்ததே வாழ்வும்
.......... பஞ்சத்தின் கோரத்தில்/
புண்பட்ட மனங்களில்
........... இன்பத்தினை வார்க்கவே/
விண்ணெங்கும் பூத்ததே
............ கார்மேகப் பூக்களும்/
எண்ணமும் சிலிர்த்திட
.......... பொழிந்ததே பூமழை/
இரசித்தேனே நானும்
........... மழைக் கவிதையை /
ஜன்ஸி கபூர் - 16.10.2020
---------------------------------------------------------------------------------
8. பிணைத்திடும் வாழ்க்கை இணைந்திடும் இறுதிவரை
ஜன்ஸி கபூர் - 20.10.2020
---------------------------------------------------------------------------
9. ஓயாத மரணங்கள்
---------------------------------
மரணச் சுழற்சிக்குள்
..........மண்டியிடுகின்றன உயிர்கள்/
பிணிக்குள் தேகம்
.........பிணைக்கின்றதே இழப்புக்களில்/
விபத்தும் அனர்த்தமென்றும்
...........விளையாடுகின்றதே விதியும்/
கொலையும் தற்கொலையும்
..........கொல்கின்றதே நேயத்தினையும்/
கலப்பட உணவும்
..........கலக்கமே ஆரோக்கியத்திற்கே/
ஓலமிடும் இறப்புக்கள்
...........ஓயாது தொடர்கின்றனவே/
ஜன்ஸி கபூர் - 21.10.2020
---------------------------------------------------------
10. நிம்மதி தேடும் மனிதர்கள்
------------------------------------------------
சுருங்குகின்ற வாழ்வில்
.......விருப்பங்களோ மலைபோல்/
சுகமிழக்கும் உழைப்பு
.......சுமையோ உடலுக்கே/
உலக மாற்றங்கள்
.......சுழற்றும் தேவைகள்/
உணர்வுகளுக்கு வலியே
......உளத்திற்கேது அமைதி/
நவீனத் தேடலின்
.......நாகரிக வாழ்க்கையில்/
நனைந்திடத் துடிக்கையில்
......நிம்மதியும் தொலைகிறதே/
ஜன்ஸி கபூர் - 26.10.2020
11.கொஞ்சும் காதல்
-------------------------------
நெஞ்சத்து அன்பில் கொஞ்சும் காதல்/
அஞ்சாதே வாழ ஆருயிர் தழுவி/
ஆசைகள் வருடும் கனவின் விரல்களை/
அணைக்கின்றேன் தினமும் இனிக்கின்றாய் நினைவாக/
எனை ரசித்தே நீயிடும் திரை/
எழில் வதனம் மையிடும் நாணமாக/
கட்டிக்கரும்பே உன்றன் புன்னகையும் அமிர்தமே/
வெட்கப்படும் கண்கள் மின்னுதே மின்னலாக/
உணர்வுகள் துடிக்கின்ற இளமைப் பருவம்/
உறவாக்க நினைக்குதே மெய்க்காதல் பண்பினாலே/
ஜன்ஸி கபூர் - 27.10.2020
---------------------------------------------------------------
12.கவிதைக்கு உயிர் கொடுப்போம்
-----------------------------------------------------------
விழிகள் காணுகின்ற
........யதார்த்தங்களை இணைத்தே/
அழகான எண்ணங்களை
.......அதில்ப் பிசைந்து/
வழிகின்ற கற்பனைகளால்
.......அழகினைக் கோர்த்து/
வடிக்கின்ற கருவை
........உயிர்க்குமே விரல்கள்/
பிறந்திடும் கவியும்
.......பறந்திடும் உலகில்/
சிறந்த வாழ்வின்
.......பிம்பமாகி வருடுமே/
ஜன்ஸி கபூர் - 27.10.2020
------------------------------------------------------------------------------------------
13.சோகமான சுமைகள்
-------------------------------------
உருளும் வாழ்வில்
........உறவுகளின் இழப்புக்கள்/
உணர்வின் வலியே
.......உள்ளத்தின் சுமையாகும்/
கொரோனாத் தொற்றும்
........கொல்லுதே வாழ்வை/
கொடூர வறுமையின்
.........கொடுமையும் தாக்குதே/
வாழ்க்கைப் போராட்டங்கள்
........சந்திக்கும் சுமைகள்/
விரட்டாதே சோகங்களை
.......நீளுகின்ற பொழுதுகளில்/
ஜன்ஸி கபூர் - 28.10.2020
--------------------------------------------------------------------------------------------------
14. இணைக்கும் உறவுகள்
----------------------------------------
அணைப்பார் பெற்றவர்
............அன்பால் உவந்தே/
பிணைப்பார் கரங்களை
...........உடன்பிறந்தோரும் கனிந்து/
துணைக்கும் வருவார்
...........நட்பினரும் நிழல்போல்/
பிணக்கும் கொள்ளா
...........சுற்றமும் ஊரும்/
முரண்களைக் கலைத்தே
............தாங்கிடுவார் தூண்களாகி/
இணைக்கும் உறவுகளால்
............இனித்திடுமே வாழ்வும்/
---------------------------------------------
15. வீழ்ந்தாலும் கலங்காதே
-------------------------------------------
வீழ்ந்தாலும் கலங்காதே
..........விதியென்றே நினைக்காதே/
வீழ்கின்ற பொழுதெல்லாம்
..........எழுதலே உந்தலாம்/
வாழ்க்கைத் தளத்தில்
...........ஏற்றமும் இறக்கமும்/
வாழ்வியல் நெறிதானே
.........உணர்ந்தவர் வென்றிடுவார்/
வீழ்கின்ற பொழுதெல்லாம்
.........ஊக்கமே உயர்வாம்/
எழுந்திடும் முயற்சியே
.........ஏற்றத்தின் சுவடாம்/
ஜன்ஸி கபூர் - 30.10.2020
