பூஞ்சோலை

 கவியுலகம் 

கவியுலகம் அணைக்கின்ற கவியுறவுகள் அகத்தினிலே/

களிப்பும் தழுவுகின்றதே கவிகளை வார்க்கையிலே/

சிந்தைக்குள் உணர்வூட்டி சிந்துகின்ற படைப்பினிலே/

வந்தமரும் கற்பனைகளின் மடியிந்தப் பூஞ்சோலை/

 மூன்று சொல் முத்து

 

மல்லிகை தவழும் கூந்தலும் மலரோ/

மொய்க்கின்றனவே வண்டுகள் மகரந்தம் சுவைக்கவே/

புன்னகை சிந்தும் மொட்டும் முத்தோ/

கன்னத்தில் பேரொளி மின்னலாய் பூக்கிறதே/

 

முல்லைச் சிரிப்பினை உதிர்த்திடும் அதரத்தில்/

மூன்றாம் பிறையும் முகத்திரை விலக்க/

தோன்றிடும் கற்பனைச் சுவைதனில் காரிகையும்/

வென்றிடுவாளே நிலாப் பெண் எழிலை/

ரோஜா பிழிந்தே செதுக்கும் சாற்றில்/

நனைகின்றதே தேகமும் சிலிர்ப்பை நுகர்ந்து/

மோகம் சூடும் மயக்கத்தில் மனதோ/

இரசிக்கின்றதே காதல் இம்சையைத் தனக்குள்/

 நடிகர் திலகம்

 

இமயத்தில் திரையுலகை ஏற்றிய செவாலியர்/

இதயத்தில் புன்னகைத்த நடிகர் திலகம்/

கலையையே ஆண்ட நடிப்பின் சக்கரவர்த்தி/

நிழலையும் உயிர்ப்பாக்கிய நவரச நாயகன்/

👄 மயிலானவளே மயங்காதே

 

மயிலானவளே மயங்காதே 

மனசுக்குள்ளே சிரிக்காதே//

சிரிக்கின்ற விழிகளில் 

ஒளிந்திருக்கிறதே நாணமும்//

நாணத்தின் அழகில் 

கன்னங்களும் சிவக்கிறதே//

சிவந்திடும் இதழ்கள் 

எழுதுகின்றதே கவிகள்//

கவிகளை ரசிக்கின்றேன் 

மனமோ உன்னிடமே//

உன்னிடமே எனைக் 

கொடுத்தேன் செல்லமே//

செல்லமே செதுக்குகின்றேன் 

இனிக்கின்றாய் எனக்குள்ளே//

எனக்குள்ளே வரைகின்றேன் 

ஓவியமே உயிர்க்கின்றாய்//

உயிர்க்கின்ற உனையே 

தழுவுகிறேன் சுகமாக//

சுகமான செங்கரும்பே 

எதிர்காலம் இனிக்குமடி//

இனிக்கின்ற நினைவுகள் 

இதயத்தின் மொழியே//

மொழியே தித்திக்கின்றாய் 

ரசிக்கின்றேன் நிதமும்//

 மறந்தால்தானே💗💗💗💗💗💗💗

 

மறந்தால்தானே பிரிவுக்குள் மூழ்கும் உறவும்/

உறவின் அணைப்பே சுகமாகும் வாழ்க்கையில்/

வாழ்விற்கும் அர்த்தமானதே உன்றன் துணையே/

துணையாகித் தொடர்கின்றாய் என்றன் நிழலிலும்/

நிழலும் நிஜமாகுமே பூக்கின்ற மெய்யன்பில்/ 

மெய்யன்பும் தழுவுகின்ற நினைவுகள் அழியாதே/

அழியாத ஓவியமாக உயிர்க்கின்றாய் உயிரினில்/

உயிரினில் படர்கின்றாய் தினமும் நீயே/

    வீரம் 

 

வீரம் பொங்கும் எங்கள் தமிழன்

கரமும் வெல்லும் சூழ்கின்ற போரை

சோரமும் போகாதே சுதந்திர வேட்கை

சரீரத்தையும் விதைக்கின்றோம் வெற்றிக்குள்  தமிழ்மண்ணே

 

 இருமை வகைதெரிந்து ஈண்டுஅறம் பூண்டார்

பெருமை பிறங்கிற்று உலகு

 

(அதிகாரம்: நீத்தார் பெருமை குறள் எண்: 23)

 

இல்லறத்தில் இசைந்தே தன்னலம் நீக்கி/

இனித்திடும் நல்லறத் தொண்டுதனைப் புரிந்தே/

இன்னுயிர் நீத்தோர் இவ்வுலகின் வழிகாட்டிகளாகி/

இறவா நற்பண்புகளால் பெருமையடைகின்றனர் என்றும்/