சீவக சிந்தாமணி

 

விருத்தப்பாக் காப்பியமாம் சீவகசிந்தாமணி நமக்கே/

உயிர்த்ததுவே திருத்தக்கதேவ முனிவரின் கருவாகி/

ஏமாங்கதம் நாட்டின் பெருமன்னன் சச்சந்தன்/

ஆருயிர் மனைவியை ஆசைக்குள் பொருத்தியதால்/

அமைச்சனின் சூழ்ச்சிக்குள் இழந்தார் மணிமுடியை/

தானும் இறப்பதற்குள் தன்குலம் காத்திடவே/

வான்வழி மயிற்பொறியில் நிறைசூலி விசயையை/

வழியனுப்பி வைத்தே இன்னுயிரும் நீத்தார்/

இடுகாட்டில் பிறந்த மன்னன் வாரிசை/

இன்முகத்துடன் தனதாக்கினான் கந்தக்கடனெனும் வணிகனே/

அரும்பிய மொட்டும் விரிந்தது சீவகனாக/

தோற்றப்பொலிவுடன் ஆற்றலும் அழகுமாக மிளிர்ந்தவனை/

ஏற்றனரே காரிகைகள் எண்மர் தம்வாழ்வாக/

எட்டுத்திக்கும் போற்றவே வாழ்ந்தான் இல்லறத்தில்/

பல்தார மணமும் பணமும் புடைசூழ

நல்லுலகை அரசாண்டான் நீதிநெறியினில் சிறந்தே

தந்தையைச் சிதைத்தவனைத் தானு மழித்தே 

தாயையும் கண்டறிந்தே இணைத்திட்டான் வாழ்வினிலே

முப்பது ஆண்டென விரிந்த ஆட்சியை/

முடிவுறுத்தினான் மக்கள் ஆட்சிக் கரங்களினுள்/

நிலையற்ற வாழ்வினில் நிலைத்திடாதே செல்வமும்/

அலைகின்ற  மனதை அமைதிக்குள் அடக்கவே/

தானும் ஏற்றான் துறவற வாழ்வினை/

சீவகனின் அகவாழ்வை இயம்பிடும் சீவகசிந்தாமணி/

முன்னோடிக் காப்பியமே கவிப்புலமை நெஞ்சங்களுக்கே/

ஜன்ஸி கபூர்- 14.11.2020

விறகொடிக்கப் போனவளே

வெயிலைப் போத்தி வெறுங் காலுடன் போனவளே/

வேகுதடி என்றன் மனசும் ஒன்ன நெனைச்சுத்தானே/

இருட்டுது மேகம் காற்றும் சுழற்றுதடி கண்ணம்மா/

காட்டுவழி மரங்களில கொத்தாத் தொங்குதடி குளவிகள்தான்/

துடிக்கிற உசுரோடு பூத்திருக்கேன்டி நானும் பாதையோரம்/

ஜன்ஸி கபூர் - 11.11.2020

  

வாராய் - வாராய்

 

1. வாராய் - வாராய்

---------------------------------

வாராய் மழையே  மேகம் பிழிந்தூற்றட்டும்/

வானவில் பின்னிடும்  வண்ணக் கலவையும்/

மண்வாசச் சுவையினில் கலந்திடும் தென்றலும்/

என் ரசிப்புக்குள் வீழ்ந்திடவே வாராய்/

ஜன்ஸி கபூர் - 5.11.2020

-------------------------------------------------------------------------------------- 

2. கனவின் வழியே பயணம்

--------------------------------------------

அன்பும் அறிவும் ஆற்றலும்/

சிந்தையைச் செதுக்கிடும் போதெல்லாம்/

நிசத்தின் தேடலாகத் தொடர்கின்றதே/

கனவின் வழியே பயணம்/

ஜன்ஸி கபூர் - 17.11.2020

---------------------------------------------------------------------------------------- 

3. 

மூக்கும் நுகருதே வண்டின் மணம்/

நோக்கும் பார்வைக்குள் வெறுப்பும் தெரியுதே/

விரும்பா நட்பை முகமது காட்டும்/

*****

தேடி வரும் நட்பின் அணைப்பால்/

ஓடு விடுமே முரண்களும் பேதங்களும்/

ஜன்ஸி கபூர் - 18.11.2020

---------------------------------------------------------------------------------- 

4. பச்சோந்திகள்

-----------------------

 பொய்களைப் பேசியே பொருந்திடுவார் வாழ்வுக்குள்/

மெய்க்குள் வேடமிட்டு மெச்சுவார் தம்மையே/

---------------------------------------------------

சுயநலம் கொண்டு சுடுகின்றாய் அனலாக/

பயமற்றே தரிக்கின்றாய் பல வேடங்களைத்தானே/

ஜன்ஸி கபூர்

------------------------------------------------------------------------------------------

5.செம்புலப் பெயல்நீர் போல

-------------------------------------------- 

தழுவினாய் அழகான அன்பினால்/

விழுந்தேனடி நிதமும் பார்வையினில்/  

இருப்பிடம் வேறானாலும் காதல்/

இணைக்குமே நம்மை உறவுக்குள்/

ஜன்ஸி கபூர் - 24.11.2020

----------------------------------------------------------------------------------

6. ****************************

ஆதியும் அந்தமும்

இதயம்

*****************************

இதயம் தேடுகின்றதே தினமும் உன்னை/

இருவிழிகளிலும் பூக்கின்றதே உன்றன் கனவுகள்/

இணைந்திடத் துடிக்கின்றதே அன்பின் மனமும்/

இன்பச் சிறகடிப்பில் என் இதயம்/

ஜன்ஸி கபூர் -26.11.2020

--------------------------------------------------------------------------------------

7.

கீழிறங்கும் மேகம்/

வளைந்து அசைந்து செல்கின்றது/

துணி நாடா/

 

ஜன்ஸி கபூர்- 26.11.2020

-------------------------------------------------- 

 1. தொலைபேசிக்குள் தொலைந்து போனதே நமது வாழ்க்கை/

2. பொழுதுகளை விழுங்கும் இளைஞர்களின் இணைய மோகம்/

  

ஜன்ஸி கபூர் - 30.11.2020

----------------------------------------------------------------------------------------------

 

பாய்ந்தது வெள்ளம்

பாரிய சேதம் /

காய்ந்தது உதரம்

காட்டுது பஞ்சம் /

நிறைந்த வெள்ளத்தால்

நிம்மதி கரைந்தது /

மறைந்த இன்பத்தால்

மனமும் பதைத்தது /

ஒஸ்லி கபூர்

 

வறட்டு கௌரவம்

சோபனங்களைச் சுமந்து பயணிக்கின்ற வாழ்வு/

சோர்ந்து வீழ்கின்றதே வறட்டுக் கௌரவத்தில்/

நிசங்களின் துளைகளை நிரப்புகின்றன மாயைகள்/

நிம்மதி கலைக்கையில் நிதானமிழக்கின்றது மனது/

தனக்கான வாழ்வினை  பிறர் தரிப்பிடங்களாக்கி/

தகுதியில்லாக் கௌரவத்தினுள் தனையும் அடக்கி/

தவிப்புக்களைச் சுமந்து தத்தளிப்போரின் உயிர்ப்பு/

தள்ளாடுதே தினமும் அவலச் சுமைக்குள்/

அடுத்தவர்க்கே அஞ்சி தன்னையே ஒளிப்போர்/

அவனிக்குள் அலைகின்ற சுயமற்ற மாந்தரே/ 

ஜன்ஸி கபூர் - 05.11.2020