2019/05/23
வறுமை
வாழ்க்கை கதவு தட்டப்படுகிறது
வாசலில் வறுமை !
ஏழைப் பாறைக்குள்
எழுதிக் கொண்டிருக்கிறேன் பெயரை !
மனம் கிழிந்து போனது
துவாரங்களில் வறுமை!
என் வறுமைத் தீயில்
கடன் கருகிக் கொண்டிருக்கின்றது !
பசியின் ஆக்கிரமிப்பில்
கண்ணீர் சிறைபடுகின்றது !
மழை விரட்டிக்கொண்டிருக்கிறது
வெள்ளத்தை வீட்டுக்குள்!
அடுக்களையை நுகர்ந்து பார்க்கிறேன்
ஏக்கப் புகை வாசம்!
சட்டை க் கிழிசல்கள்
சாட்டை அடிக்கின்றன தேகத்தை !
உணவின் வாசம் மாத்திரமே
சுவாசத்தின் வாசலில் !
கனவுச் சாளரத்தின் கம்பிகள்
துருப் பிடித்துக் கொண்டிருக்கின்றன !
மருதாணி சாறுக்குள்
வீழ்ந்து விட்டதா வாழ்க்கை!
- Jancy Caffoor -
Subscribe to:
Post Comments (Atom)
No comments:
Post a Comment
என் கவிதாயினியில் விழி பதித்த உங்களுக்கு நன்றி......
என் பதிவு தொடர்பான உங்கள் விமர்சனங்கள் இன்னும் என் எழுத்துக்களைச் செம்மைப்படுத்தும்!